Enter your Email Address to subscribe to our newsletters
कानपुरम्, 19 जनवरीमासः (हि.स.)।
संस्कृति उत्सवस्य २०२६ अन्तर्गतं मण्डलीय सांस्कृतिक उत्सवस्य आयोजनं चयनिते स्थले डी एण्ड जी ग्राण्ड गरूडदेवे भव्यतया सफलतापूर्वकं सम्पन्नम्। अस्मिन् अवसरे कानपुर मण्डलस्य जनपदानाम् इटावा औरैया फर्रूखाबाद कन्नौज तथा कानपुर देहातेषु आयोजितेषु जनपदस्तरीय संस्कृत्युत्सवेषु विजयीभूतानां प्रतिभागिनां मध्ये विविधासु सांस्कृतिकासु विधासु प्रतियोगिताः आयोजिताḥ।
कार्यक्रमकाले निर्णायकमण्डलेन जनपदस्तरीय विजयीप्रतिभागिनां मध्ये गायन वादन नृत्यविधासु उत्कृष्टप्रदर्शनाधारेण प्रतियोगिताः सम्पन्नाः। प्रतिभागिभिः लोकसंस्कृतौ शास्त्रीयासु समकालीनासु च कलाविधासु स्वप्रतिभायाḥ प्रभावशालि प्रदर्शनं कृत्वा उपस्थितान् दर्शकान् मन्त्रिमुग्धान् अकरोत्।
प्रतियोगितायां प्रथमस्थानं कृष्णा वैभवकुमारप्रजापति केपीएससमूहश्च संयुक्तरूपेण प्राप्तवन्तः। द्वितीयस्थानं शम्भावीवर्मा वैभवः खुशीकुमारी च प्राप्नुवन्। तृतीयस्थानं केपीएससमूहः आयुषशुक्लः समृद्धिचौधरी च अलभन्त। सर्वे विजयीप्रतिभागिनः निर्णायकमण्डलेन तेषां उत्कृष्टप्रदर्शनस्य कृते प्रशस्तिपत्रैः सम्मानेन च सम्मानिताः।
अस्मिन् अवसरे जिलासूचना अधिकारी पर्यटन अधिकारी संस्कृतिविभागस्य अधिकारी संस्कारभारत्याः संयोजकः विविधाः सांस्कृतिकविशेषज्ञाः कलाकाराः गणमान्यनागरिकाश्च उपस्थिताः आसन्। उपस्थितैः अतिथिभिः एतादृशाः आयोजनाः प्रदेशस्य समृद्धायाः सांस्कृतिकविरासतायाः संरक्षणे नवोदितकलाकाराणां मंचप्रदानदिशायां च अत्यन्तं महत्त्वपूर्णाः इति अभिहिताः।
हिन्दुस्थान समाचार