Enter your Email Address to subscribe to our newsletters
- यमुना एक्सप्रेस-वे इत्यस्य सेक्टर-11इत्यस्मिन् 'फिनटेक पार्क' अथ च तेन युतः इकोसिस्टम भविष्यति विकसितः
-नोएडा इंटरनेशनल एयरपोर्ट इयस्य समीपेन ग्लोबल फिनटेकसंस्थाः निवेशकाः भव आकर्षिताः
-डिजिटल फाइनेंस, साइबर सिक्योरिटी अथ कोषीयसेक्टर इत्यत्र युवभ्यः उत्पादयिष्यते जीविकानां सहस्रं अवसराः
-प्रोजेक्टनिमित्तम् इंटरनेशनल कंसल्टेंट सज्जीकरिष्यते निवेशस्य , डीपीआर प्रक्रिया शुभारब्धा
लखनऊ, 20 जनवरीमासः (हि.स.)।
संस्कृतेन भाषांतरणम्
मुख्यमंत्रीयोगीआदित्यनाथस्य नेतृत्वे राज्यसरकारः उत्तरप्रदेशं नवपीढ्याः डिजिटलअर्थव्यवस्थायाः केन्द्रं कर्तुं दिशि अन्यत् महत्त्वपूर्णं पादं अग्रे स्थापयितुं उद्यता अस्ति। अस्य योजनायाः अन्तर्गतं यमुना द्रुतमार्ग औद्योगिक विकास प्राधिकरणस्य क्षेत्रे सेक्टर एकादशे द्विशतपञ्चाशदधिकभूमौ “फिनटेक पार्क” इति विकासः क्रियते। एषा परियोजना केवलं आईटी पार्करूपेण न, अपि तु सम्पूर्णस्य वित्तीयप्रौद्योगिकीपर्यावरणस्य रूपेण विकसितीक्रियते। सरकारस्य मतं यत् एषा परियोजना उत्तरप्रदेशं देशस्य प्रमुखं फिनटेक केन्द्रं स्थापयिष्यति। एषः फिनटेक पार्कः बैंकिंगतः आरभ्य ब्लॉकचेनपर्यन्तं विशालं केन्द्रं भविष्यति।
योजनानुसारं सेक्टर एकादशस्य फिनटेक पार्कः बैंकिंग डिजिटलपेमेंट इन्श्योरटेक इन्वेस्टटेक वित्तीयप्रौद्योगिकी सॉफ्टवेयर ऐज ए सर्विस तथा अन्तरराष्ट्रीयधनप्रेषणसम्बद्धानां कम्पनीनां कृते एकं साझा मंचं प्रदास्यति। अत्र वित्तीयसेवाभिः सम्बद्धाः सर्वाः आधुनिकाः प्रौद्योगिक्यः एकस्मिन् एव परिसरि विकसिताः स्थापिताश्च भविष्यन्ति येन स्टार्टअपतः आरभ्य विशालवैश्विककम्पनीपर्यन्तं सर्वे निवेशाय आकृष्टाः भविष्यन्ति।
फिनटेक पार्कस्य महान् बलं तस्य स्थानमेव अस्ति। एषः क्षेत्रः यमुना द्रुतमार्गेण साक्षात् संयोजितः अस्ति तथा नोएडा अन्तरराष्ट्रीय विमानपत्तनस्य अत्यन्तं समीपे स्थितः। सरकारस्य आकलनं यत् विमानपत्तनस्य प्रारम्भानन्तरं एषः प्रदेशः अन्तरराष्ट्रीयनिवेशकानां कृते अतिप्रियं गन्तव्यं भविष्यति। दिल्ली एनसीआर क्षेत्रेण सह उत्तमसंपर्कव्यवस्थायाः कारणात् अत्र आगच्छन्तीनां कम्पनीनां कृते राष्ट्रियवैश्विकस्तरे कार्यसञ्चालनं सुकरं भविष्यति।
अस्याः परियोजनायाः भूमौ कार्यान्वयनाय विस्तृतपरियोजनाविवरणपत्रस्य निर्माणप्रक्रिया आरब्धा अस्ति। अस्य कृते अन्तरराष्ट्रीयस्तरीया परामर्शसंस्था उत्तरदायित्वेन नियुक्ता अस्ति। डीपीआर मध्ये फिनटेक पार्कस्य आधारभूतसंरचना निवेशमाडल रोजगारक्षमता तथा चरणबद्धविकासस्य रूपरेखा निर्मीयते। अधिकारिणां कथनानुसारं डीपीआर पूर्णतायां निवेशकानां कृते भूखण्डवितरणस्य अन्यप्रक्रियाणां च रोडमैपः सार्वजनिकः करिष्यते।
योगिसरकारः एतां परियोजनां रोजगारसृजनस्य दृष्ट्या अपि महत्त्वपूर्णां मन्यते। फिनटेक पार्कस्य माध्यमेन प्रत्यक्ष अप्रत्यक्षरूपेण सहस्रशः नूतनाः रोजगारावसराः उत्पत्स्यन्ते। बैंकिंगप्रौद्योगिकी डेटा विश्लेषणं साइबरसुरक्षा डिजिटलपेमेंटप्रणाल्यः वित्तीयसॉफ्टवेयरविकासः इत्यादिषु क्षेत्रेषु युवजनानां कृते अवसराः भविष्यन्ति। सरकारस्य लक्ष्यं यत् उत्तरप्रदेशस्य प्रतिभाः अन्यराज्येषु पलायनं कृत्वा न, अपि तु प्रदेशे एव वैश्विकस्तरीयं कार्यं कुर्वन्तु।
राज्यसरकारस्य प्रवक्त्रा उक्तं यत् योगिसरकारः पूर्वमेव स्पष्टं कृतवती यत् उत्तरप्रदेशः केवलं परम्परागतउद्योगेषु सीमितः न भविष्यति। आईटी इलेक्ट्रॉनिक्स सेमीकण्डक्टर तथा अधुना फिनटेक इत्यादिषु उच्चमूल्येषु क्षेत्रेषु प्रदेशः अग्रणीः करिष्यते। सेक्टर एकादशस्य फिनटेक पार्कः अस्याः नीत्याः एव अंशः अस्ति यत्र नीति नीयतिश्च उभे अपि स्पष्टतया दृश्येते। औद्योगिकक्षेत्रस्य विशेषज्ञाः मन्यन्ते यत् एषा परियोजना न केवलं निवेशं वर्धयिष्यति अपि तु उत्तरप्रदेशं देशस्य डिजिटलवित्तमानचित्रे सुदृढं स्थानं दातुं समर्था भविष्यति।
---------------
हिन्दुस्थान समाचार