Enter your Email Address to subscribe to our newsletters
राँचीनगरम्, २० जनवरीमासः (हि.स.)। झारखण्डस्य मुख्यमन्त्री हेमन्तसोरेनः अवदत् यत् राज्य-सर्वकारस्य लक्ष्यं केवलं झारखण्डं खनिजानां प्राकृतिक-संसाधनानां च निर्यातक-राज्यत्वेन सीमितं कर्तुं न, अपि तु संसाधनानां मूल्य-संवर्धनं, सतत-औद्योगिकीकरणं तथा जनकेन्द्रित-विकासस्य दिशि अग्रे गन्तुम् अस्ति, येन तस्य प्रत्यक्षः लाभः राज्यस्य जनतायै प्राप्येत।
मुख्यमन्त्री-सचिवालयेन मङ्गलवासरे निर्गतायां पत्रकार-विज्ञप्तौ सूचितं यत् मुख्यमन्त्री सोरेनः वर्ल्ड-इकोनॉमिक-फोरम-अवसरे भारतीय-उद्योग-परिषद् (सी.आई.आई.) द्वारा आयोजितायाम् उच्चस्तरीय-गोलमेज-सभायां भागं गृह्णाति स्म। अस्मिन् अवसरे सः वैश्विक-नीति-निर्मातॄन्, उद्योग-जगतः प्रतिनिधीन् तथा संस्थागत-निवेशकान् सम्बोधितवान्।मुख्यमन्त्रिणः संबोधने सः अवदत्— “अस्माकम् उद्देश्यं केवलं प्राकृतिक-संसाधनानां दोहनं न, अपि तु तेषां उत्तरदायित्वपूर्णं सततं च उपयोगं सुनिश्चितं कर्तुं, येन रोजगार-अवसराः सृज्येरन् तथा जनानां जीवन-स्तरः उन्नीयेत।”
सः स्पष्टतया अवदत् यत् सततता केवलं पर्यावरण-संरक्षणपर्यन्तं सीमिता न, अपि तु आजीविका, कौशल-विकासः तथा सामाजिक-समावेशनम् अपि अन्तर्भवति, विशेषतः स्थानीय-आदिवासी-समुदायानां सन्दर्भे।
मुख्यमन्त्री हेमन्तः सोरेनः राज्य-सर्वकारस्य तान् प्रयत्नान् वर्णितवान्, यै: खनिज-आधारित-डाउनस्ट्रीम-उद्योगाः, नवीकरणीय-ऊर्जा, हरित-प्रौद्योगिकी तथा मानव-संसाधन-विकासस्य माध्यमेन रोजगार-सृजनं प्रोत्साहितं क्रियते। सः आर्थिक-विकासेन सह पर्यावरणीय-सामाजिक-सन्तुलनस्य संरक्षणस्य आवश्यकता अपि विशेषतया प्रतिपादितवान्।
मुख्यमन्त्रिणः झारखण्डस्य विशालाः अद्यावधि प्रायः अप्रयुक्ताः पर्यटन-सम्भावनाः उल्लिख्य अवदत् यत् राज्य-सर्वकारः इको-पर्यटनम्, प्रकृति-आधारित-पर्यटनं तथा सांस्कृतिक-पर्यटनं सतत-विकासस्य एकं महत्वपूर्णं स्तम्भं कर्तुम् इच्छति। अनेन न केवलं स्थानीय-स्तरे रोजगार-सृजनं भविष्यति, अपि तु प्राकृतिक-सांस्कृतिक-धरोहरस्य संरक्षणम् अपि सुनिश्चितं भविष्यति। दीर्घकालिक-विकास-दृष्टिकोणं पुनरुक्त्वा मुख्यमन्त्री सोरेनः वैश्विक-निवेशकान् तथा सहभागिनः झारखण्डेन सह उत्तरदायित्वपूर्ण-खननं, सतत-विनिर्माणं, नवीकरणीय-ऊर्जा तथा पर्यटन-अवसंरचना-क्षेत्रेषु सहयोगाय आमन्त्रितवान्।
भारतीय-उद्योग-परिषद् (सी.आई.आई.) द्वारा आयोजिते अस्मिन् वैश्विक-सततता-संवादे झारखण्डस्य सक्रिय-सहभागिता राज्यस्य तां प्रतिबद्धतां दर्शयति, यस्यां आर्थिक-विकासः पर्यावरणीय-उत्तरदायित्वेन सामाजिक-समावेशनेन च सह संयोज्यते।
हिन्दुस्थान समाचार / अंशु गुप्ता