Enter your Email Address to subscribe to our newsletters
-न्यू एज ग्रीन स्टील तकनीक्या हरित औद्योगिक भविष्यस्य परतया चरणम्
रांची, 20 जनवरीमासः (हि.स.)। मुख्यमन्त्रिणः हेमन्तसोरेणस्य नेतृत्वे झारखण्ड-सर्वकारः तथा टाटा-स्टील-लिमिटेड् दावोस-नगरे आयोजिते विश्वार्थिकमञ्चे एकस्मिन् महत्त्वपूर्णे आशयपत्रे (लेटर् ऑफ् इण्टेण्ट् – एलओआई) हस्ताक्षरं कृतवन्तौ। एषः करारः नवयुगीन-हरित-इस्पात-प्रौद्योगिकीषु एकादशसहस्रकोटिरूप्यकाधिकनिवेशस्य रूपरेखां प्रस्तौति, येन राज्यं सततं कार्बन-न्यूट्रल् औद्योगिक-भविष्यस्य दिशि नीयते, सहैव प्रत्यक्षाप्रत्यक्षरूपेण व्यापकः जीविकासृजनस्य मार्गः प्रशस्तः भवति।
मुख्यमन्त्रीसचिवालयेन मङ्गलवासरे प्रकाशितायां प्रेस-विज्ञप्तौ उक्तं यत् अस्यां सहभागितायां नीदरलैण्ड्-जर्मनीयोः अत्याधुनिकाः प्रौद्योगिकाः झारखण्डे कार्यान्विताः भविष्यन्ति, येन राज्यं हरित-विनिर्माणे वैश्विक-अग्रणीं स्थानं प्राप्स्यति। अस्मिन् अवसरॆ टाटा-स्टील इत्यस्य प्रबन्ध-निदेशकः मुख्य-कार्यकारी-अधिकारी च टी.वी. नरेन्द्रणः स्वप्रतिनिधिमण्डलेन सह उपस्थितः आसीत्।
प्रेस-विज्ञप्तौ इदं अपि निर्दिष्टं यत् वैश्विक-औद्योगिक-परिदृश्ये ऐतिहासिकं दूरगामिफलप्रदं च एतत् पग्भारः अस्ति। मुख्यमन्त्रिणः हेमन्तसोरेणस्य दूरदर्शी-नेतृत्वे झारखण्ड-सरकारस्य टाटा-स्टील-लिमिटेड् च मध्ये सम्पन्नः एषः करारः नवयुगीन-हरित-इस्पात-प्रौद्योगिकीषु एकादशसहस्रकोटिरूप्यकाधिकनिवेशस्य रूपरेखां ददाति, यः राज्यं सततं कार्बन-न्यूट्रल् औद्योगिक-भविष्यं प्रति नयति तथा व्यापकं रोजगारसृजनं सम्भावयति। अस्य सहभागितायाः अन्तर्गतं नीदरलैण्ड्-जर्मनीयोः अत्याधुनिकाः नवाचाराधारिताः प्रौद्योगिकाः झारखण्डे प्रवर्तिष्यन्ते, येन राज्यं प्रकृत्या सह सामञ्जस्यं रक्षन् हरित-विनिर्माणस्य वैश्विक-परिवर्तने अग्रणी-भूमिकां निर्वक्ष्यति।
अग्रिमसंततेः आयरनमेकिंग-प्रौद्योगिकीनाम् आरम्भः
झारखण्ड-सर्वकारेण अवगतं कृतं यत् अस्य निवेशस्य मुख्याधारः हिसारना-ईज़ीमेल्ट् इत्यादयः क्रान्तिकारी-आयरनमेकिंग-प्रौद्योगिक्यः सन्ति, यासु समग्रतः सप्तसहस्रकोटिरूप्यकनिवेशः प्रस्तावितः अस्ति। हिसारना-प्रौद्योगिकेः विशेषता एषा यत् अस्यां स्वदेशीयः अंगारः न्यून-श्रेणी-लौह-अयस्कश्च उपयुज्यते, येन महार्घतासु आयातेषु आश्रयः न्यूनः भवति तथा इस्पात-उत्पादनं अधिकं किफायती भवति। कार्बन-कैप्चर्-स्टोरेज्-प्रणाल्या सह एषा प्रौद्योगिकी कार्बन-डायऑक्साइड्-उत्सर्जने अष्टाशीतिप्रतिशतपर्यन्तं न्यूनतां कर्तुं समर्था अस्ति। नीदरलैण्ड्-देशे सफलायाः पायलट्-परियोजनायाः अनन्तरं टाटा-स्टील् सन् २०३० पर्यन्तं जमशेदपुरे प्रतिवर्षं दशलक्षटन-क्षमतायुक्तं वाणिज्यिक-यन्त्रालयं स्थापयितुं योजनां करोति।
ईज़ीमेल्ट् (इलेक्ट्रिकली-असिस्टेड्-सिन्गैस्-मेल्टर्) इति प्रौद्योगिकी परम्परागत-ब्लास्ट्-फर्नेस्-प्रक्रियायाः स्थैर्यं अधिकं दृढं करिष्यति। एषा विश्वे स्वकीयप्रकारे प्रथमः उपायः अस्ति, यस्मिन् सिन्गैस्-उपयोगेन कोक्-उपभोगः न्यूनः भवति तथा कार्बन-उत्सर्जनं प्रायः पञ्चाशत्प्रतिशतपर्यन्तं न्यूनं कर्तुं शक्यते।
औद्योगिक-आधारभूत-संरचनायाः नूतनं स्वरूपम्
आयरनमेकिंग-नवाचारानाम् अतिरिक्तं, अस्मिन् निवेश-पैकेजे पञ्चदशशत-कोटिरूप्यक-मूल्यायाः अत्याधुनिक-कोम्बी-मिल्-स्थापना तथा षड्विंशतिशत-कोटिरूप्यक-मूल्यायाः टिनप्लेट्-विस्तारस्य अपि प्रावधानं अस्ति। अयं समग्रः औद्योगिक-खाका आर्थिक-दृढतावर्धनाय, उच्च-प्रौद्योगिकी-रोजगार-सृजनाय तथा डी-कार्बोनाइजिंग्-वैश्विक-अर्थव्यवस्थायां दीर्घकालीन-प्रतिस्पर्धायाः सुनिश्चितये निर्मितः अस्ति। एतेन टाटा-स्टील् झारखण्डश्च हरित-आयरनमेकिंग्-प्रौद्योगिकीषु “फर्स्ट्-मूवर्” इति रूपेण स्थापितुं अवसरं प्राप्स्यतः।
पर्यावरण-सन्तुलित-विकासस्य आदर्शः
झारखण्ड-सर्वकारस्य कृते एषः निवेशः भविष्योन्मुख-दृष्टेः परिचायकः अस्ति, यत्र औद्योगिक-प्रगतिः पर्यावरण-संरक्षणेन सह समं वर्धते। एताः टिकाऊ-प्रौद्योगिक्यः स्वीकरोति राज्यं आर्थिक-विकासस्य नूतन-युगस्य आधारं स्थापयति, यत्र पारिस्थितिकी-तन्त्र-संरक्षणं प्रौद्योगिक-उत्कृष्टता च समानं महत्त्वं लभेते। एषा पहल झारखण्डस्य औद्योगिक-विकासं समावेशिनं उत्तरदायिनं दीर्घकालिकं च कर्तुं दृढं पदं मन्यते।
पञ्चविंशतिवर्षीय-औद्योगिक-यात्रा: खनिज-आधारित-अर्थव्यवस्थातः हरित-नवाचारपर्यन्तम्
राज्य-स्थापनायाः पञ्चविंशतितम-वर्षगंथौ सम्पन्नः एषः ऐतिहासिकः अनुबंधो झारखण्डस्य परिवर्तमान-औद्योगिक-स्वरूपस्य प्रतीकः अस्ति। मुख्यमन्त्रिणः हेमन्तसोरेणस्य नेतृत्वे झारखण्डः परम्परागत-खनिज-आधारित-अर्थव्यवस्थां त्यक्त्वा हरित-नवाचारस्य वैश्विक-केन्द्ररूपेण उद्भवितुं अग्रसरः अस्ति। अस्यैव क्रमस्य अन्तर्गतं झारखण्डे टाटा-समूहस्य खनन-विनिर्माण-स्थलेषु औद्योगिक-पर्यटनस्य संवर्धनाय राज्य-सरकारस्य टाटा-स्टीलस्य च मध्ये पृथक् एमओयू अपि सम्पन्नः।
उपवेशनकाले टाटा-स्टील इत्यस्य एमडी एवं सीईओ टी.वी. नरेन्द्रणः दावोसे मुख्यमन्त्रिणः सक्रिय-भागीदारीं प्रशंसन् अवदत् यत् झारखण्डः शिक्षा-विनिर्माण-खनन-क्षेत्रेषु शीघ्रं प्रगतिं करोति तथा राज्येन एतादृशेषु वैश्विक-व्यापार-मञ्चेषु नियमितं स्व-उपस्थितिः दर्शनीया। मुख्यमन्त्रिणा अपि राज्यस्य आईटीआई-संस्थाः रोजगार-बाजारोन्मुखाः कर्तुं टाटा-स्टील्-द्वारा ताः स्वीकर्तुं प्रस्तावः कृतः, यस्मिन् संस्थया सहमतिः प्रदत्ता।
अस्मिन् अवसरे टाटा-समूहेन मुख्यमन्त्रिणा हेमन्तसोरेणं दावोस-स्थिते टाटा-डोम इत्यत्र रात्रिभोजनाय आमन्त्रितवान्, यत् मुख्यमन्त्रिणा सहर्षं स्वीकृतम्।-------
हिन्दुस्थान समाचार