Enter your Email Address to subscribe to our newsletters
हमीरपुरम्, 20 जनवरीमासः (हि.स.)।
प्राकृतिककृषेः व्यापकप्रोत्साहनाय तथा तस्य माध्यमेन कृषकाणां आयवृद्ध्यर्थं प्रदेशशासनेन कृताः प्रयत्नाः उत्तमानि परिणामानि आनयन्ति। प्रदेशशासनं प्राकृतिककृष्या उत्पादितं गोधूमं षष्टिरूप्यकाणि प्रति किलोग्राम्, मक्कीं च चत्वारिंशद्रव्यकाणि प्रति किलोग्राम् मूल्येन क्रयति, अपि च कच्चाहल्द्याः कृते नवतिरूप्यकाणि प्रति किलोग्राम् मूल्यं निर्धारितं कृतम् अस्ति।
प्रदेशशासनस्य अस्याः योजनायाः प्रभावेन प्रेरितौ भोरञ्ज उपमण्डलस्य ग्रामपञ्चायत् भुक्कडस्य बैरी ब्राह्मणा ग्रामनिवासिनौ शिक्षाविदौ सुभाषकपिला तथा तस्य धर्मपत्नी उर्मिलाकपिला च अस्मिन् ऋतौ प्रायः दश क्विण्टलपरिमाणं हल्दी उत्पाद्य क्षेत्रस्य कृषकाणां बागवानानां च कृते उत्कृष्टं उदाहरणं प्रस्तुतवन्तौ।
षट्सप्ततिवर्षीयः सुभाषकपिला विद्यालयप्रधानाचार्यपदात् सेवानिवृत्तः अस्ति, तस्य धर्मपत्नी उर्मिलाकपिला अपि शिक्षाविभागात् टीजीटी पदात् सेवानिवृत्ता अस्ति। तयोः पुत्रः दन्तचिकित्सकः अस्ति तथा स्नुषा वरिष्ठलेखापालपदे कार्यरताऽस्ति। तथापि सुभाषकपिला उर्मिलाकपिला च कृषिं न परित्यक्तवन्तौ। तौ स्वक्षेत्रेषु रासायनिकखादानां विषाक्तकीटनाशकानां च प्रयोगं न कुरुतः।
यदा मुख्यमन्त्रीणाः निर्णयेन प्रदेशे व्यापकस्तरे प्राकृतिककृषेः प्रोत्साहनं कृतम् तथा अस्यां विधौ उत्पादितानां सस्यानां कृते पृथक् उच्चमूल्यनिर्धारणं कृतम्, तदा वयोवृद्धः कपिलादम्पती हल्दीकृषिं आरब्धुं निश्चयं कृतवन्तौ। तौ कृषिविभागस्य एस.एम.एस् मोनिकाशर्मायाः तथा अन्येषां अधिकारीणां मार्गदर्शनं प्राप्तवन्तौ, विभागात् हल्दीबीजं अपि लब्धवन्तौ।
सुभाषकपिला अवदत् यत् अस्मिन् ऋतौ तयोः प्रायः दश क्विण्टलपरिमिता उत्पत्तिः अभवत्। तस्य कथनानुसारं हल्दीकृषौ अत्यधिकः श्रमः न अपेक्षितः, एषा च तथा सस्या अस्ति यां वन्यपशवः अपि हानिं न कुर्वन्ति। अस्यां कृषौ रासायनिकखाद्यानां कीटनाशकानां वा आवश्यकता न भवति। प्रदेशशासनं हल्दीम् नवतिरूप्यकाणि प्रति किलोग्राम् मूल्येन क्रयति। अतः हरिद्राकृषौ कृषकाणां कृते लाभः एव लाभः भवति।
---------------
हिन्दुस्थान समाचार