Enter your Email Address to subscribe to our newsletters
--ज्वाला देवी गंगापुर्यां चतुर्थ ’सप्तशक्ति संगम’ कार्यक्रमः आयोजितः
प्रयागराजः, 20 जनवरीमासः (हि.स.)। ज्वालादेवीसरस्वतीविद्यामन्दिर अन्तरमहाविद्यालये गङ्गापुरी रसूलाबादे मङ्गलवासरे चतुर्थः सप्तशक्तिसङ्गमकार्यक्रमः आयोजितः। अस्य कार्यक्रमस्य मुख्यं उद्देश्यं समाजस्य चत्वारः मूलस्तम्भाः आसन्—स्वबोधः कुटुम्बप्रबोधनम् पर्यावरणसंरक्षणे दायित्वबोधः तथा नारीणां सशक्ता भूमिका च।
कार्यक्रमस्य मुख्यातिथिः हिन्दूआध्यात्मिकसेवासंस्थानस्य प्रयागराजस्य सहसचिवा वन्दनातिवारी कुटुम्बप्रबोधनं भारतीयसंस्कृतिं च प्रकाशयन्ती अवदत् यत् परिवारः एव सा प्रथमा पाठशाला अस्ति यत्र नैतिकमानवीयमूल्यानां बीजारोपणं भवति।कार्यक्रमसंयोजिका आचार्या बेबिका राय प्रस्ताविकां प्रस्तुत्य कार्यक्रमस्य औपचारिकं शुभारम्भं कृतवती। सा अवदत् यत् शिक्षायाः वास्तविकं उद्देश्यं केवलं पुस्तकीयज्ञानप्रदानं नास्ति अपि तु छात्रेषु संस्कारसंस्कृतिसामाजिकदायित्वभावनायाः संचारः कर्तव्यः। सा अभिभावकान् बालकांश्च भारतीयमूल्यानां महत्वं ज्ञापयितुं तथा एतान् सिद्धान्तान् दैनन्दिनजीवने अंगीकारयितुं आग्रहं कृतवती।
विशिष्टातिथिः हेल्थ इज वेल्थ फिटनेस संस्थायाः निदेशिका विनीता कक्कड नारीणां सशक्तभूमिकां पर्यावरणसंरक्षणं च विषयीकृत्य विचारान् प्रकटयन्ती सशक्तनारीशक्तेः अनिवार्यं योगदानं रेखाङ्कितवती। सा मातृशक्तिं जलसंरक्षणवृक्षारोपणादिभिः लघुप्रयासैः प्रकृतेः संरक्षणाय प्रेरितवती।
अस्मिन् अवसरः प्रश्नोत्तरप्रतियोगिता अपि आयोजिताभवत्। सम्यक् उत्तरप्रदायिनी मातृशक्तयः उपहारैः सम्मानिताः। प्रेरणास्वरूपेण राणी चेनम्मारूपेण रिया सक्सेना सुषमा स्वराजरूपेण सुप्रिया शुक्ला प्रतिभा देवी पाटिलरूपेण रश्मि मिश्रा तथा राणी पद्मावतीरूपेण पूजा बरनवाल सम्मानिताः।
कार्यक्रमस्य प्रारम्भे मुख्यातिथिना अन्यैः अतिथिभिः विद्यालयस्य प्रधानाचार्येण युगलकिशोरमिश्रेण च मातृसरस्वत्याः समक्षं दीपार्चनं पुष्पार्चनं च कृतम्।
प्रधानाचार्येण सूचितं यत् अस्मिन् प्रेरणादायके कार्यक्रमे विद्यालयस्य मातृभारतीसमित्याः सदस्याः तथा प्रायः द्विशताधिकाः मातरः उपस्थिताः आसन्। कार्यक्रमस्य संचालनं आचार्या रीता विश्वकर्मा श्रद्धा श्रीवास्तवा च कृतवत्यौ।
---------------
हिन्दुस्थान समाचार