देहरादूनम्, २२ जनवरीमासः (हि.स.)। मुख्यमन्त्री पुष्करः सिंहः धामी नेताजी सुभाषचन्द्रबोसस्य जयन्त्याः पूर्वसन्ध्यायां तस्य भावपूर्णं स्मरणं कृत्वा अवदत् यत् नेताजी भारतस्य महान् अग्रणीश्च स्वतन्त्रता-संग्रामयोद्धानां मध्ये एकः आसीत्। स्वस्य अद्वितीय-नेतृत्वस्य साहसस्य च बलेन सः देशस्य स्वातन्त्र्य-आन्दोलनं नवां दिशां नूतनाम् ऊर्जां च प्रदत्तवान्।

मुख्यमन्त्री अवदत् यत् आजाद-हिन्द-सेनायाः संस्थापकः सेनानायकश्च नेताजी सुभाषचन्द्रबोसः कोटि-कोटि-युवानां कृते प्रेरणास्रोतः आसीत्। राष्ट्रस्य स्वातन्त्र्यार्थं नेताजी द्वारा कृतः संघर्षः, त्यागः तथा तस्य अतुलनीयः योगदानः सदा स्मरणीयः भविष्यति इति सः अवदत्। नेताजी सुभाषचन्द्रबोसस्य जीवनं राष्ट्रभक्तेः, नेतृत्व-क्षमतायाः तथा अदम्य-साहसस्य प्रतीकम् अस्ति, यत् आगामि-सन्ततिन् निरन्तरं प्रेरयिष्यति।

हिन्दुस्थान समाचार