Enter your Email Address to subscribe to our newsletters
गोरखपुरम्, २५ जनवरीमासः (हि.स.)। “स्वस्थाः भवन्तु, देश-विकासं कुर्वन्तु” तथा “स्वास्थ्य-सेवया राष्ट्र-सेवा” इति संदेशं आत्मसात् कृत्वा नेशनल् मेडिकोज़ ऑर्गेनाइज़ेशन (NMO) गोरक्ष-प्रान्तेन आयोजितायाः “साहस-यात्रायाः” भव्यः शुभारम्भः रविवासरे बी.आर.डी. चिकित्सामहाविद्यालय, गोरखपुरस्य शैक्षणिक-भवनात् अभवत्।
कार्यक्रमस्य उद्घाटनं बी.आर.डी. चिकित्सामहाविद्यालयस्य प्राचार्यः डॉ. रामकुमार जायसवालः ध्वजप्रदर्शनेन कृत्वा सायकिल-यात्रां प्रेषितवान्। अस्मिन् अवसरॆ NMO गोरख-प्रान्तस्य सचिवः डॉ. अमित सिंहः, NMO बी.आर.डी. इकायाः अध्यक्षः डॉ. पी.एन. सिंहः, डॉ. अखिलेश्वर धर दुबे इत्यादयः, तथा एम्स् गोरखपुरस्य अध्यापकाः अपि गरिमामयतया उपस्थिताः आसन्।
उद्घाटनानन्तरं प्रायः १२५ छात्राः शिक्षकाः च अनुशासितेन सायकिल-काफिलेन सह साहस-यात्रायां सहभागी अभवन्। एषः काफिलः मोहद्दीपुरं तथा नौका-विहारं गत्वा उत्साहपूर्णे वातावरणे प्रातः १०:३० वादने एम्स् गोरखपुरं प्राप्तवान्। सहभागिनां सुरक्षा-सुविधायै काफिलेन सह द्वे बस-याने तथा एका एम्बुलेन्स् अपि नियोजिते आस्ताम्।
अस्य सम्पूर्ण-कार्यक्रमस्य आयोजन-सचिवाः डॉ. अमित रायः, नमन मिश्रः तथा अम्बरीष रायः आसन्। तेषां कुशल-नेतृत्वेन, समन्वयेन च कार्यक्रमः सुव्यवस्थितः सफलश्च अभवत्। एम्स् गोरखपुरे साहस-यात्रायाḥ समापन-समारोहः आयोजितः, यस्य मुख्य-अतिथिः डॉ. शिखा सेठ आसीत्। अन्ये विशिष्ट-अतिथयः डॉ. विवेक मिश्रा (आयोजनाध्यक्षः), डॉ. तेजस पटेलः, डॉ. अनिल कोपारकरः (उपाध्यक्षः, NMO गोरख-प्रान्तः), डॉ. शालजा मिश्रा, डॉ. आशुतोष तिवारी, डॉ. विभा सिंह, डॉ. अमरेश सिंह (संगठन-मन्त्री, NMO गोरखप्रान्तः) तथा डॉ. अमित रायः (सम्पर्क-प्रमुखः, NMO गोरखप्रान्तः) आसन्।
सर्वैः अतिथिभिः एषा साहस-यात्रा युवासु अनुशासनं, स्वास्थ्य-जागरूकतां, सामाजिक-उत्तरदायित्वं तथा राष्ट्र-निर्माण-भावनां सुदृढीकरोति इति प्रेरणादायी प्रयासः इत्युक्तम्। आयोजकानां सहभागिनां च बहुशः प्रशंसा कृता।
अस्मिन् अवसरे गोरखपुर-यातायात-पालिकायाः विशेषः आभारः व्यक्तः, यत् तेषां उत्कृष्ट-सहयोगेन, मार्ग-व्यवस्थया, सुरक्षा-प्रबन्धनेन च यात्रा पूर्णतया सुरक्षिताः सुचारु च अभवत्। तथैव सरस्वती विद्या मन्दिर विद्यालयस्य अपि हार्दिकं धन्यवादं प्रकटितं, यत् तेन प्रदत्ताभिः बस-यानेभिः आयोजनस्य सफलतायां महत्त्वपूर्णं योगदानं कृतम्। कार्यक्रमस्य समापनं उत्साहेन, अनुशासनेन, सकारात्मक-सामाजिक-संदेशेन च अभवत्।
---------------
हिन्दुस्थान समाचार