Enter your Email Address to subscribe to our newsletters
पटना, 26 जनवरीमासः (हि.स.)।
सशस्त्रसीमाबलस्य सीमन्तमुख्यालये पाटलिपुत्रे सप्तसप्ततितमः गणतन्त्रदिवसः महान् हर्षोल्लासेन, गरिमया च देशभक्तिपूर्णे वातावरणे सम्यक् आचरितः। अस्मिन् अवसरे मुख्यालयपरिसरः तिरङ्गवर्णैः, राष्ट्रध्वजैः, पुष्पसज्जया च अत्यन्तं मनोहररूपेण अलङ्कृतः।
समारोहस्य शुभारम्भः निशीतकुमारः उज्ज्वलः भारतीयपुलिससेवायाः महानिरीक्षकः सशस्त्रसीमाबलस्य सीमन्तपाटलिपुत्रस्य द्वारा राष्ट्रध्वजफहरणेन सलाम्यर्पणेन च कृतः। तदनन्तरं तेन सशस्त्रसीमाबलस्य महानिदेशकस्य सन्देशः उपस्थितेभ्यः अधिकारिभ्यः, जवानैः, कार्मिकेभ्यः च पठित्वा श्रावितः। सः सर्वेभ्यः गणतन्त्रदिवसस्य हार्दिकाः शुभाशयाः दत्तवान् तथा संविधानस्य मूल्यमानानुसारं राष्ट्रसेवायै सर्वदा सज्जीभवितुं आह्वानं कृतवान्।
स्वीयभाषणे तेन सीमन्तपाटलिपुत्रस्य उपलब्धयः निरूपिताः, कार्मिकैः क्रियमाणस्य उत्कृष्टकार्यस्य प्रशंसा कृता, सीमावर्तीप्रदेशेषु राष्ट्रस्य सुरक्षायां तेषां योगदानं गौरवविषयः इति च प्रतिपादितम्। अस्मिन् अवसरे तान् अधिकारीन् कार्मिकांश्च सम्मानिताः ये स्वस्वकर्तव्येषु उत्कृष्टं निर्वहनं कृत्वा बलस्य प्रतिष्ठां वर्धितवन्तः।
अस्मिन् वर्षे सशस्त्रसीमाबले द्वौ अधिकारी राष्ट्रपतेः विशिष्टसेवापदकेन सम्मानितौ, एकादश अधिकारीणः कार्मिकाश्च मेरिटोरियससेवापदकेन अलङ्कृताः। अपि च सीमन्तपाटलिपुत्रस्य अन्तर्गतं अष्टत्रिंशत् अधिकारीणः कार्मिकाश्च महानिदेशकपदकेन सम्मानिताः।
वर्षे द्विसहस्रपञ्चविंशतितमे सीमन्तपाटलिपुत्रस्य अन्तर्गतं सीमावर्तीप्रदेशेषु नक्सलप्रभावितप्रदेशेषु च तैनाताभिः वाहिन्यः अवैधायुधानां, मादकद्रव्याणां, मानवतस्करीसम्बद्धानां तथा नक्सलिनां गिरफ्त्याः आत्मसमर्पणस्य च विषये सहस्रद्विशताधिकत्र्यशीतिमिताः प्रकरणानि पञ्जीकृतवन्त्यः।
---------------
हिन्दुस्थान समाचार