Enter your Email Address to subscribe to our newsletters
जम्मूः, 27 जनवरीमासः (हि.स.)।
राजस्वसत्रात् पूर्वं प्रचलतां परामर्शश्रृंखलां निरन्तरं कुर्वन् मुख्यमन्त्री उमर अब्दुल्ला मङ्गलवासरे जम्मूनगरे उद्योगव्यापार पर्यटन होटल् आतिथ्य शिक्षा युवकार्याणि कृषि च इत्यादिषु विविधक्षेत्रेषु प्रतिनिधिभिः सह व्यापकपरामर्शबैठकस्य अध्यक्षतां कृतवान्।
अस्मिन् अवसरे हितधारकैः क्षेत्रविशिष्टाः अनेकाः विषयाः प्रस्तुताः तथा समावेशीविकासस्य क्षेत्रीयविकासस्य च वेगवर्धनार्थं विविधाः परामर्शाः अपि दत्ताः। मुख्यमन्त्री उमर अब्दुल्ला बजटपूर्वपरामर्शप्रक्रियायाः गाम्भीर्यम् उद्देश्यं च प्रतिपादयन् अवदत् यत् एते परामर्शाः केवलं औपचारिकता न सन्ति, अपि तु शासकीयप्राथमिकतानां निर्धारणे महत्त्वपूर्णां भूमिकां वहन्ति।
मुख्यमन्त्री अवदत् यत् एते परामर्शाः बहूनि वर्षाणि यावत् प्रवर्तन्ते, अद्य च वयं तान् पुनः अग्रे नीतवन्तः स्मः। केषाञ्चन जनानां मतं भवेत् यत् एषा केवलं नियमितप्रक्रिया अस्ति यस्य भूमिस्तरीये विशेषः प्रभावः न दृश्यते, परन्तु एषा धारणा यथार्थात् दूरा अस्ति। सः विशेषेण अवदत् यत् शासने वरिष्ठनेतृत्वस्य सम्पूर्णोपस्थितिः हितधारकाणां वक्तव्यं श्रोतुं प्रशासनस्य दृढप्रतिबद्धतां दर्शयति।
मुख्यमन्त्री अवदत् यत् यदि वयं भवतां सुझावेषु गम्भीराः न स्याम तर्हि मुख्यसचिवात् आरभ्य वरिष्ठाधिकारिभ्यः मन्त्रिमण्डलस्य सहयोगिभ्यः पर्यन्तं सम्पूर्णं शासकीयतन्त्रं अत्र न आनयेम। अस्माकं उद्देश्यं भवद्भिः सह व्यापकपरामर्शं कर्तुं यत्र सम्भवं तत्र भवतां सुझावान् बजटे नीतिषु च समावेशयितुं च अस्ति।
हितधारकसहभागितायाः महत्त्वं प्रकाशयन् मुख्यमन्त्री उमर अब्दुल्ला अवदत् यत् एतादृशाः परामर्शाः आधिकारिकमूल्याङ्कनस्य भूमिस्तरीययथार्थस्य च मध्ये स्थितं अन्तरं न्यूनं कुर्वन्ति। सः अवदत् यत् कार्यालयेषु उपविष्टानां अस्माकं कृते सर्वं ज्ञातुं न सुलभम्। बहुधा आधिकारिकमार्गेण या सूचना लभ्यते सा भूमिस्तरीययथार्थात् भिन्ना भवति, एतादृशैः संवादैः एव वयं महत्त्वपूर्णां अन्तर्दृष्टिं प्राप्नुमः।
सः सहभागिभ्यः आश्वासनं दत्तवान् यत् एषः संवादः केवलं वार्षिकाभ्यासे सीमितः न भविष्यति। सः अवदत् यत् एषा वार्षिकैकवार्ता न अस्ति यदनन्तरं वयं पुनः न दृश्येम। वयं एतं संवादं निरन्तरं प्रवर्तयितुं प्रयत्नं करिष्यामः, यतः अन्ततः अनेन शासनं जनकल्याणं च लाभं प्राप्स्यति।
स्वीयसम्बोधनस्य समापनकाले मुख्यमन्त्री सर्वान् सहभागिनः तेषां रचनात्मकसहभागितायै धन्यवादान् अकरोत्।
अस्यां संगोष्ठ्यां मन्त्री सकीना इटू जावेद अहमद डार सतीश शर्मा च उपस्थिताः आसन्। मुख्यसचिवः अटल दुल्लू मुख्यमन्त्रिणः अतिरिक्तमुख्यसचिवः धीरज गुप्ता पर्यटनविद्युतविकासयोः अतिरिक्तमुख्यसचिवः वित्तस्य प्रधानसचिवः उद्योगवाणिज्यायुक्तसचिवः शिक्षाउच्चशिक्षासचिवः बजटमहानिदेशकः वित्तविभागस्य वरिष्ठाधिकारिणः विभागप्रमुखाः अन्ये च सम्बन्धिताधिकारिणः अस्मिन् परामर्शे उपस्थिताः आसन्।
---------------
हिन्दुस्थान समाचार