Enter your Email Address to subscribe to our newsletters
हरिद्वारम्, 27 जनवरीमासः (हि.स.)।
प्रयागराजस्य माघमेलायां स्वामिना अविमुक्तेश्वरानन्दसरस्वत्या सह जातस्य विवादस्य विषये अखिलभारतीयअखाड़ापरिषदः अध्यक्षः महन्तः रविन्द्रपुरी मेला-प्रशासनस्य अधिकारिणाम् आचरणं दोषपूर्णम् इति अवदत्। पुरीमहाराजः अस्मिन् विषये सम्बद्धेषु अधिकारिषु विरुद्धं कार्यवाहीं कर्तुं याचनां कृतवान्।
मङ्गलवासरे महन्तः रविन्द्रपुरी अत्र एकं वक्तव्यं प्रकाशयन् अवदत् यत् प्रयागराजमाघमेलायां व्यवस्थायाः पालनं सर्वेषां कर्तव्यं अस्ति, किन्तु अधिकारिभिः ब्रह्मचारिणः सन्ताश्च ताडिताः, तेषां शिखाः अपि बलात् आकृष्टाः। एते दृश्याः अत्यन्तं विचलनकराः सन्ति। सः अवदत् यत् शिखा सनातनधर्मस्य प्रतीकं अस्ति, अतः शिखायाः बलात् आकर्षणं कदापि सह्यं न भविष्यति। तादृशेषु अधिकारिषु अनिवार्यतया कार्यवाही भवितव्या।
महन्तः रविन्द्रपुरी स्वामिनं अविमुक्तेश्वरानन्दसरस्वतीं प्रति अपि आग्रहं कृतवान् यत् सः अपि इदानीं हठं परित्यजेत् तथा च मुख्यमन्त्री योगी आदित्यनाथस्य विरुद्धं मिथ्यावक्तव्यप्रदानं न कुर्यात्। पुरीमहाराजः अवदत् यत् प्रयागराजे प्रशासनस्य दोषः आसीत्, किन्तु स्नानसम्बद्धाः नियमाः प्रशासनानि च सर्वैः एव पाल्यन्ते।
अस्मिन् प्रसङ्गे सर्वाधिकं दुःखदं घटितं इदं यत् पुलिसकर्मभिः स्वामिना अविमुक्तेश्वरानन्देन सह स्थिताः साधवः सन्तः वेदपाठी ब्राह्मणाश्च ताडिताः। अस्य मारणप्रहारस्य विरोधः अस्माभिः कृतः अस्ति, तथा च ये अधिकारिणः कर्मचारीणश्च सन्तान् ताडितवन्तः, तेषां विरुद्धं कार्यवाही भवितव्या इति अपि मागणी कृता अस्ति। एषा दुःखदा घटना कदापि सहनीया न अस्ति।
उल्लेखनीयं यत् अष्टादशजनवरीतिथौ मौनीअमावास्यायां गङ्गास्नानं प्रति स्वामिना अविमुक्तेश्वरानन्दसरस्वत्या सह माघमेला-प्रशासनस्य विवादः अभवत्। ततः आरभ्य स्वामी अविमुक्तेश्वरानन्दः धरनायां उपविष्टः अस्ति। सः प्रशासनं प्रति सङ्गमस्नानात् निवारणस्य तथा च स्वसहस्थितानां ब्रह्मचारिणां सन्तानां च ताडनस्य विरोधं कृत्वा धरनां कृतवान्।
यदा आरभ्य प्रयागराजे स्वामी अविमुक्तेश्वरानन्दसरस्वती धरनायां उपविष्टः अस्ति, तदा आरभ्य नानासङ्गठनानि तस्य समर्थनार्थं अग्रे आगतानि सन्ति। साधवः सन्ताश्च अपि द्विधा विभक्ताः इव दृश्यन्ते।
---------------
हिन्दुस्थान समाचार