भोपालम्, 28 जनवरीमासः (हि.स.)। मध्यप्रदेशराज्यस्य पुलिसविभागस्य अपरमहानिदेशकः (प्रशिक्षण) राजाबाबू सिंह महोदयः मदरसासु नैतिकशिक्षारूपेण श्रीमद्भगवद्गीतापाठनस्य यत् सुझावं दत्तवान्, तस्मै राजनैतिकसमर्थनं प्राप्यते स्म। भोपालनगरस्य हुजूरविधानसभाक्षेत्रस्य विधायकः रामेश्वर शर्मा महोदयः अस्याः पहलस्य स्पष्टं समर्थनं कृत्वा तां समाजाय सकारात्मकं कदमम् इति अवदत्।विधायकः रामेश्वर शर्मा अवदत् यत् श्रीमद्भगवद्गीता केवलं धार्मिकग्रन्थः न अस्ति, अपि तु जीवनं सम्यक् मार्गे नयितुं समर्थं दर्शनम् अस्ति। तया आत्मबलं वर्धते, सामाजिकसमरसतायाः बोधः जायते, अन्यायस्य अपराधस्य च विरोधे स्थितुं प्रेरणा लभ्यते।सः प्रश्नं कृत्वा अवदत्—यदि मदरसासु हिन्दूबालकान् आहूय उर्दूभाषा अध्यापयितुं शक्यते, तर्हि गीतापाठने किमर्थं आपत्तिः भवेत्। तस्य मते श्रीमद्भगवद्गीता न कस्यचित् एकस्य धर्मस्य सीमायां बद्धा अस्ति, अपि तु सा समग्रस्य समाजस्य कृते मार्गदर्शकः ग्रन्थः अस्ति।रामेश्वरशर्मा अवदत् यत् गीता सर्वैः पठनीया, अध्येतव्या च, यतः सा कर्तव्यस्य, कर्मणः, नैतिकतायाः च संदेशं ददाति, यस्य आवश्यकता अद्यतनकाले प्रत्येकस्य नागरिकस्य अस्ति।

---------------

हिन्दुस्थान समाचार