Enter your Email Address to subscribe to our newsletters
कठुआ, 28 जनवरीमासः (हि.स.)।
कठुआ-विधानसभा-क्षेत्रे विकास-कार्याणां वेगं दत्त्वा बुधवासरे विधायकः डॉ. भारत-भूषण महोदयः कठुआ-नगरे वार्ड-सङ्ख्या ६ तथा ७ मध्ये स्थितानां त्रयाणां गली-नाली-योजनानां विधिवत् उद्घाटनं कृतवान्। एतेषां सर्वेषां विकास-कार्याणां कृते समग्रतः अष्टादश-लक्ष-पञ्चाशत्-सहस्र-रूप्यकाणां व्ययः अभवत्।
उद्घाटित-कार्येषु वार्ड-सङ्ख्या ७ मध्ये द्वे गली-नाली-परियोजनाः, तथा च वार्ड-सङ्ख्या ६ मध्ये एका गली-नाली-परियोजना अन्तर्भूता अस्ति। एतेषां कार्याणां सम्पन्नतया क्षेत्रे आधारभूत-संरचनायाः दृढीकरणं भविष्यति तथा च स्थानीय-निवासिनां जीवन-स्तरस्यापि उन्नतिः भविष्यतीति आशा व्यक्ता।
अस्मिन् अवसरॆ उपस्थितं जनसमूहं सम्बोधयन् विधायकः डॉ. भारत-भूषण महोदयः अवदत् यत् कठुआ-विधानसभा-क्षेत्रे अधुना दश-कोटि-रूप्यकाणाम् अधिक-मूल्यकाः विकास-कार्य-योजनाः प्रगतिशीलाः सन्ति। सः अवदत् यत् एताः परियोजनाः कठुआस्य समग्र-विकास-लक्ष्यस्य दिशि एकं महत्त्वपूर्णं चरणं सन्ति।
कार्यक्रमे पूर्व-पार्षदः अनिरुद्ध-शर्मा, हरबंस-लाल, डॉ. शिव-कुमार, स्मति विद्या-देवी, किसान-मोर्चा-अध्यक्षः देविन्दर-सिंह ‘सन्नी’, रमेश-शर्मा, सरदार हरबिन्दर-सिंह, कविता, बेबी-रानी, अमित-सूदनो, भानु-प्रताप-सिंह, दीपक-कुमार इत्यादयः क्षेत्रस्य अनेकाः गणमान्य-व्यक्तयः उपस्थिताः आसन्।
विधायकः वार्ड-निवासिभिः सह संवादं कृत्वा तेषां समस्याः अपि श्रुतवान् तथा च तासां शीघ्र-समाधानस्य आश्वासनं दत्तवान्।
---------------
हिन्दुस्थान समाचार