Enter your Email Address to subscribe to our newsletters
गुवाहाटी, 29 जनवरीमासः (हि.स.)। पूर्वोत्तरसीमान्तरेलवे इत्यनेन रेलकर्मचारिणां सामान्यनागरिकाणां च कृते स्वास्थ्यसेवानां अधिकसशक्तीकरणस्य दिशि महत्त्वपूर्णा पहल आरब्धा। अस्याः अन्तर्गतं स्वाधिकारक्षेत्रे चिकित्साअवसंरचनायाः उन्नयनार्थं निवारकस्वास्थ्यसेवावर्धनार्थं च अनेकानि दृढानि सक्रियपदानि गृहीतानि।
पूर्वोत्तरसीमान्तरेलवे मुख्यजनसम्पर्काधिकारी कपिंजल किशोर शर्मा गुरुवासरे उक्तवान् यत् अस्याः पहलायाः अन्तर्गतं केन्द्रीयचिकित्सालये मालीगांव इत्यत्र आधुनिकचिकित्सायन्त्राणि स्थापितानि। एतेषु स्टीम स्टरलाइजर ऑटोक्लेव यन्त्रं अत्याधुनिक लासोट्रोनिक्स लेजर डायोड प्रणाली च अन्तर्भवतः। एतानि यन्त्राणि संक्रमणनियन्त्रणप्रणालीं दृढीकरिष्यन्ति शल्यक्रियासु सूक्ष्मतां वर्धयिष्यन्ति उपचारं च अधिकसुरक्षितं शीघ्रं प्रभावकरं च करिष्यन्ति। अनेन रोगिभ्यः उच्चगुणवत्तायुक्ता चिकित्सा सुविधा उपलब्धा भविष्यति समग्ररोगीपरिचर्यास्तरे अपि उल्लेखनीयः सुधारः भविष्यति।
तेन उक्तं यत् चिकित्सालयसुविधानां अधिकसुदृढीकरणार्थं केन्द्रीयचिकित्सालये मालीगांव इत्यस्य नवपरिष्कृतः पुरुषशल्यचिकित्सावार्डः अद्यतनकाले उद्घाटितः। अस्य उद्घाटनं पूर्वोत्तरसीमान्तरेलवे महाप्रबन्धक चेतन कुमार श्रीवास्तव वरिष्ठरेलवेअधिकारिणां उपस्थितौ कृतवान्। उन्नतवार्डे आधुनिकअवसंरचना रोगीकेंद्रितसुविधाश्च विकसिताः येन रोगिणां कृते उत्तमोपचारपर्यावरणं उच्चगुणवत्तायुक्ता परिचर्या च सुनिश्चितं भविष्यति।
मुख्यजनसम्पर्काधिकारी उक्तवान् यत् निवारकस्वास्थ्यसेवानां सामुदायिककल्याणस्य च प्रति प्रतिबद्धतां दृढीकुर्वन् पूर्वोत्तरसीमान्तरेलवे स्वविभिन्नमण्डलेषु षड्विंशतिशताधिकानि बहुउद्देश्यस्वास्थ्यपरीक्षणशिविराणि आयोजितवान्। एतेषां शिविराणां माध्यमेन व्यापकस्वास्थ्यपरीक्षणं चिकित्सकीयपरामर्शः जागरूकताकार्यक्रमाश्च आयोजिताः येन रेलकर्मचारिणः तेषां परिवारजनाः स्थानीयसमुदायः च प्रत्यक्षलाभं प्राप्तवन्तः। एषा पहल शीघ्ररोगपरिचयाय स्वस्थजीवनशैलीवर्धनाय च सहायकाभूत्।
तेन उक्तं यत् अस्य क्रमस्य अन्तर्गतं अलीपुरद्वारमण्डलेन भारतीयखाद्यसुरक्षामानकप्राधिकरणात् दश प्रतिष्ठितानि ईट राइट स्टेशन तथा परिसर प्रमाणपत्राणि प्राप्तानि। एषा मान्यता रेलस्थानकेषु परिसरेषु च खाद्यसुरक्षा स्वच्छता पोषणगुणवत्ता च प्रति मण्डलस्य निरन्तरप्रतिबद्धतां दर्शयति।
मुख्यजनसम्पर्काधिकारी उक्तवान् यत् समग्रतया एताः सर्वाः पहलाः स्वास्थ्यसेवासु उत्कृष्टता कर्मचारीकल्याण जनहितसेवा च प्रति पूर्वोत्तरसीमान्तरेलवे इत्यस्य जनकेंद्रितदृष्टिकोणं दर्शयन्ति। एतत् सुरक्षितं विश्वसनीयम् संवेदनशीलं च रेलपरिचालनं सुनिश्चितुं तस्य प्रतिबद्धतां अपि दृढयति।------------------
हिन्दुस्थान समाचार