जम्मूनगरम्, २९ जनवरीमासः (हि.स.)। श्री–कैलख–ज्योतिष–च वैदिक–संस्थान–न्यासस्य अध्यक्षः, प्रख्यातः ज्योतिषाचार्यः च राज्य–पुरस्कार–प्राप्तः महन्तः रोहित–शास्त्री जम्मू–सचिवालये जम्मू–कश्मीर–विद्यालय–शिक्षा–विभागस्य सचिवेन उच्च–शिक्षा–विभागस्य अतिरिक्त–प्रभारं धारयता श्री–राम–निवास–शर्मणा (आई.ए.एस.) सह शिष्टाचार–साक्षात्कारं कृतवान्। अस्मिन् अवसरे महन्त–रोहित–शास्त्रिणा जम्मू–कश्मीर–माननीय–उपराज्यपाल–श्री–मनोज–सिन्हायै प्रकाशितं अभिनन्दन–ग्रन्थं सचिव–महोदयाय समर्प्य सम्मानितम्। एष: साक्षात्कार: प्रदेशे शिक्षा-संस्कृति-आध्यात्मिक–मूल्यानां संरक्षणस्य प्रयासानां प्रतीकरूपेण दृश्यते।

साक्षात्कारकाले महन्तः रोहित–शास्त्री उक्तवान् यत् श्री–कैलख–ज्योतिष- वैदिक–संस्थान–न्यास: संस्कृत–भाषा, वैदिक–शिक्षा, ज्योतिषशास्त्रं च भारतीय–संस्कृतिं प्रचार–प्रसारे यतन्ते। स: अवदत् यत् संस्कृतं केवलं भाषा नास्ति, अपि तु भारतस्य प्राचीन–ज्ञान–परम्पराया: दर्शनस्य विज्ञानस्य सांस्कृतिक–चेतनायाः च आधारशिला अस्ति। महन्त–रोहित–शास्त्रिणाम् आग्रहः आसीत् यत् प्रदेशस्य शिक्षा–प्रणाल्याम् आधुनिक–भाषाभ्यां सह संस्कृताय विशेषं स्थानं प्रदत्तम् भवेत्, यथा युवा–वंश: स्वसांस्कृतिक–मूल्यानि अवगच्छेत्। विद्यालयेषु महाविद्यालयेषु च संस्कृत–अध्ययनस्य प्रवर्धनं, शिक्षक–नियोजनं, संस्कृत–आधारित कार्यक्रमाणाम् आयोजनं च मुख्यं भूयात् इति अपि प्रतिपादितम्।

श्री–राम–निवास–शर्मा (आई.ए.एस.) न्यासस्य प्रयासानां प्रशंसा कुर्वन् उक्तवान् यत् संस्कृत–भाषायाः भारतीय–ज्ञान–परम्परायाः च संरक्षणे एतासां संस्थानां भूमिका अत्यन्तं महत्वपूर्णा अस्ति। स: आश्वासनं दत्तवान् यत् शिक्षा–विभागेन संस्कृतस्य विकासाय प्रचार–प्रसारे च सर्वसाध्यः सकारात्मकः प्रयासः कर्तव्यः। एष: शिष्टाचार–साक्षात्कार: शिक्षा-संस्कृति-आध्यात्मिक–मूल्यानां समन्वयस्य दिशि महत्वपूर्णः प्रयासः मन्यते, यस्य फलतः भविष्ये प्रदेशे संस्कृत–भाषायै नूतनम् आयामं लप्स्यते इति।

हिन्दुस्थान समाचार / अंशु गुप्ता