Enter your Email Address to subscribe to our newsletters
कोलकाता, 31 जनवरीमासः(हि.स.)।
पश्चिमबङ्गालराज्यस्य पश्चिममेदिनीपुरजिलायाः डेबराविधानसभाक्षेत्रात् तृणमूलकाङ्ग्रेसदलस्य विधायकः तथा पूर्वभारतीयपुलिससेवाधिकारी (आईपीएस) हुमायूं कबीरः भारतनिर्वाचनआयोगस्य कार्यप्रणालीं प्रति तीव्रां नाराजगीं प्रकटितवान्। मतदातृसूच्याः सत्यापनार्थं व्यक्तिगतरीत्या उपस्थितिं कर्तुं दत्ते निर्देशे सः व्यङ्ग्यपूर्वकं अवदत् यत् कदाचित् आयोगाय सः ‘रोहिङ्ग्या’ इव प्रतीतमानः अस्ति।
हुमायूं कबीरः कोलकातानगरस्य कसबा क्षेत्रस्य निवासी अस्ति। शुक्रवासरे कसबाविधानसभान्तर्गतस्य रूबीपार्कस्थितस्य विद्यालयस्य मध्ये तस्य सुनवाई निर्धारिता आसीत्। वर्षे २००२ तमे मतदातृसूच्यां तस्य नाम न आसीत्, यद्यपि तस्य कुटुम्बस्य अन्येषां सदस्याणां नामानि सूच्यां विद्यमानानि आसन्। अस्य एव विसङ्गतेः कारणात् निर्वाचनआयोगेन तस्मै प्रमाणैः सह उपस्थितिं कर्तुं सूचना प्रेषिता आसीत्।
सुनवाईयै प्रस्थानात् पूर्वं पूर्व-आईपीएस-अधिकारी सामाजिकमाध्यमे स्वप्रतिक्रियां प्रकाशितवान्। सः लिखितवान् यत् निर्वाचनआयोगात् तस्मै सूचना प्राप्ता अस्ति, किन्तु तस्य मतदाता-परिचयपत्रं, पैनकार्डं तथा पासपोर्टः अपि आयोगाय पर्याप्ताः न मन्यन्ते। सः अवदत् यत् वर्षे २००२ तमे भारतसरकारस्य निर्देशानुसारं संयुक्तराष्ट्रसंघस्य प्रतिनियुक्त्या यूरोपदेशे कार्यरतः आसीत्, तस्मात् तस्मिन् काले तस्य नाम मतदातृसूच्यां न समाविष्टं अभवत्। तस्य समीपे तस्य कालस्य राजनयिकपासपोर्टस्य प्रतिलिपिः अपि उपलब्धा अस्ति।
माध्यमैः सह वार्तालापे विधायकः अवदत् यत् सः एकत्रिंशद्वर्षपर्यन्तं पुलिससेवायां देशस्य सेवां कृतवान्। वर्षे २००१ तमे भारतसरकारेण एव सः पूर्वीय-यूरोपदेशेषु प्रतिनियुक्त्यर्थं प्रेषितः आसीत्। सः बहुवर्षेभ्यः मतदानं कुर्वन् आगतः अस्ति तथा वर्तमानकाले स्वयम् निर्वाचितः जनप्रतिनिधिः अपि अस्ति, तथापि तादृशीं प्रक्रियां अनुभवितुं बाध्यः भवति। सः एतत् उत्पीड़नरूपं निर्दिश्य पुनः अवदत् यत् कदाचित् आयोगाय सः रोहिङ्ग्या इव दृश्यते।
हुमायूं कबीरः अवदत् यत् सुनवाईकाले सः स्वस्य पेंशन-भुगतानादेशेन (पीपीओ) सम्बद्धानि दस्तावेजानि प्रस्तुतवान्, येषां छायाप्रतिलिपयः गृहीताः। सः स्पष्टतया उक्तवान् यत् निर्वाचनआयोगस्य अस्य व्यवहारस्य विरुद्धं तस्य संघर्षः अनुवर्तते।
अपरस्मिन् पक्षे भारतीयजनतापक्षस्य घाटाल-साङ्गठनिकजिलाध्यक्षः तन्मय दासः प्रतिक्रियां दत्त्वा अवदत् यत् प्रत्येकस्य नागरिकस्य कर्तव्यं अस्ति यत् सः निर्वाचनआयोगस्य प्रक्रियायां सहयोगं करोतु। विधायकः केन कारणेन आहूतः, तत् सम्बन्धिताः अधिकारीणः तथा सः स्वयम् एव उत्तमरीत्या स्पष्टयितुं शक्नुवन्ति इति सः अवदत्।
---------------
हिन्दुस्थान समाचार