Enter your Email Address to subscribe to our newsletters
नव दिल्ली, 31 जनवरीमासः (हि.स.)।
बवाना-विधानसभा-क्षेत्रे जनसुविधानां सुदृढीकरणस्य दिशायां समाज-कल्याण-मन्त्री रविन्द्र-इन्द्राज-सिंहः तथा लोक-निर्माण-विभागस्य (पीडब्ल्यूडी) मन्त्री प्रवेश-साहिब-सिंहः शनिवासरे बवाना-विधानसभायां विकास-कार्याणां शुभारम्भं जनसम्पर्कं च अकुरुताम्। मन्त्री प्रवेश-साहिब-सिंहेन रोहिणी-सेक्टर्–२२ स्थिते पंजाब-स्वीट्स-समिपे सीवर-लाइन-विकास-कार्यस्य विधिवत् लोकार्पणं कृतम्। अस्य परियोजनायाḥ पूर्णतया क्षेत्रवासिनः बहुवर्षेभ्यः प्रवहमानायाः जल-निकास-समस्यायाः स्थायीं निवृत्तिं प्राप्स्यन्ति।
अस्मिन् अवसरे मन्त्री इन्द्राजः अवदत् यत् एतत् कार्यं केवलं विकास-परियोजना न, अपि तु स्वच्छतायाः, सुव्यवस्थित-नागरिक-जीवनस्य तथा जनसम्मानस्य प्रति सरकारस्य दृढ-प्रतिबद्धतायाः सशक्तः प्रतीकः अस्ति। सेवा, विकास तथा जनकल्याण-इति मूल-मन्त्रेण सह बवाना-विधानसभायां विकास-कार्याणि निरन्तरं वेगेन परिणामैः सह अग्रे वर्धन्ते।
ततः अनन्तरं बेगम-विहार-क्षेत्रे कैबिनेट्-मन्त्री प्रवेश-साहिब-सिंहेन सौरभ-प्रोपर्टीज्-समिपे स्थल-भ्रमणं व्यापकं जनसम्पर्कं च कृतम्। अस्मिन् समये स्थानीय-नागरिकैः सह प्रत्यक्षः संवादः स्थापितः, तेषां समस्याः च गम्भीरतया श्रुताः। मूलभूत-सुविधानां, नागरिक-सेवानां तथा क्षेत्रीय-विकासेन सम्बद्ध-विषयेषु सघन-चर्चां कृत्वा त्वरित-परदर्शि-प्रभावी-समाधानार्थं सम्बन्धित-अधिकारिभ्यः स्पष्टाः निर्देशाः प्रदत्ताः।
एतस्मिन् एव क्रमे बेगमपुर-क्षेत्रे अपि विकास-कार्याणां समीक्षां कुर्वन् मुख्य-रेड्-लाइट्, कंझावला-रोड् तथा फिरनी-रोड् इत्यादिषु विविध-स्थलेषु व्यवस्थाः परीक्षिताः। मार्ग-निर्माणे, जल-निकासे तथा अन्य-मूलभूत-सुविधानां विषये स्थायी-समाधानार्थं आवश्यकाः निर्देशाः दत्ताः।
मन्त्रिणौ पप्पू-कालोनी, प्रह्लादपुरे स्थानीय-जनसम्पर्क-काले नागरिकैः सह प्रत्यक्ष-संवादं स्थापयित्वा तेषां समस्याः, अपेक्षाः तथा सुझावाः गम्भीरतया श्रोतवन्तौ। जनसंवाद-काले मार्ग-व्यवस्था, स्वच्छता, जल-निकासः तथा अन्य-मूलभूत-सुविधानां विषये त्वरित-प्रभावी-कार्यान्वयनार्थं निर्देशाः प्रदत्ताः। अतिरिक्तरूपेण दीप-विहार-स्थिते बालाजी-मन्दिर-मार्गे विकास-कार्याणां निरीक्षणं कृत्वा अपि स्थानीय-नागरिकैः सह प्रत्यक्ष-संवादः कृतः।
निरीक्षण-काले मार्ग-स्वच्छता-जल-निकास-सम्बद्ध-समस्यानां समाधानार्थं सम्बन्धित-अधिकारिभ्यः आवश्यकाः निर्देशाः दत्ताः। मन्त्री इन्द्राजः अवदत् यत् दिल्ली-सरकारस्य उद्देश्यं शासनं केवलं कार्यालयेषु न सीमितं कृत्वा, अपि तु जनसमाजे सक्रियतया उपस्थितं भवितुम् अस्ति। सुशासनस्य, जनसंवेदनशीलतायाः तथा परिणामोन्मुख-प्रशासनस्य भावनया सह बवाना-विधानसभा निरन्तरं विकास-पथि अग्रसरं भवति।
---------------
हिन्दुस्थान समाचार