Enter your Email Address to subscribe to our newsletters
नवदिल्ली, ०७ जनवरीमासः (हि.स.)। उच्चतम–न्यायालयस्य पूर्व–न्यायाधीशः न्यायमूर्ति मार्कण्डेय–काटजूः अवदत् यत् शिक्षा केवलं सशक्तीकरणस्य साधनं न, अपि तु सामाजिक–न्यायस्य तथा लोकतान्त्रिक–चेतनायाः दृढा आधारशिला अस्ति। सावित्रीबाई–फुले तथा फातिमा–शेखयोः विचाराः सामाजिक–परिवर्तनाय अद्यापि अत्यन्तं प्रासङ्गिकाः सन्ति इति तेन प्रतिपादितम्।
एषा टिप्पणी राजधानी–नगरे मङ्गलवासरे सायं महान् समाज–सुधारकौ तथा महिला–शिक्षायाः अग्रदूत्यौ सावित्रीबाई–फुले–फातिमा–शेखयोः स्मृत्यर्थम् आयोजितायां संगोष्ठ्यां तेन कृता। संगोष्ठ्याः आयोजकः ‘क्रिएटिव–फाउण्डेशन’ (दिल्ली)–संस्थायाः संस्थापक–अध्यक्षः वरिष्ठ–अधिवक्ता तेज–सिंह–वरुणः स्ववक्तव्ये अवदत् यत् महिला–सशक्तीकरणं तदैव सार्थकं भवति यदा शिक्षया सह विधिक–जागरूकता अपि विकसितं भवति।
कार्यक्रमे विविध–क्षेत्रेषु उत्कृष्ट–योगदानं कृतवत्यः महिला–प्रतिभाः सम्मानिताः। सेवानिवृत्तः जिला–न्यायाधीशः टी.आर.–नवलः, डी.आई.जी. नरेन्द्र–सिंहः, आईपीएस (सेवानिवृत्त) ओ.पी.–सागरः, संगोष्ठी–संयोजिका अधिवक्ता पूजा–कुमारी च महिला–सशक्तीकरणस्य विषये स्वविचारान् अवदन्।
हिन्दुस्थान समाचार / अंशु गुप्ता