Enter your Email Address to subscribe to our newsletters
कोलकाता, ०७ जनवरीमासः (हि.स.)। भारतीय–जनता–दलस्य नेता तथा पश्चिम–बङ्गाल–विधानसभायां नेता–प्रतिपक्षः शुभेन्दु–अधिकारी बुधवासरे सामाजिक–माध्यम–मञ्चे ‘एक्स्’ इत्यत्र पृथक्–पृथक् प्रकाशितैः सन्देशैः नन्दीग्राम–नेताई–बलिदानिभ्यः श्रद्धाञ्जलिम् अर्पितवान्।
प्रथम–सन्देशे सः ०७ जनवरी २००७ तमे वर्षे बलिदानी–तर्पण–दिवसस्य अवसरें नन्दीग्राम–भूमि–रक्षा–आन्दोलनस्य त्रयाणां अमर–बलिदानिन: प्रति सश्रद्धं प्रणामं कृतवान्। सः नन्दीग्राम–आन्दोलनं अन्याय–दमनयोः विरुद्धं जन–संघर्षस्य प्रतीकं इति वर्णयित्वा सन्देशस्य अन्ते “जय जय नन्दीग्राम” इति उल्लिखितवान्।
द्वितीय–सन्देशे शुभेन्दु–अधिकारी ०७ जनवरी २०११ तमे वर्षे झाड़ग्राम–जनपदे स्थिते नेताई–ग्रामे घटितां सामूहिक–हत्या–घटनां स्मृत्वा तत्र निहितान् बलिदानिन: प्रति स्वीयां गभीरां श्रद्धां व्यक्तवान्। सः अवदत् यत् नेताई–बलिदानिनां बलिदानं कदापि विस्मर्तुं न शक्यते, तथा च तेषां त्यागः अन्यायस्य विरुद्धं संघर्षाय निरन्तरं प्रेरणां दास्यति।
हिन्दुस्थान समाचार / अंशु गुप्ता