Enter your Email Address to subscribe to our newsletters
आगरमालवा, 08 जनवरीमासः (हि.स.)।
मध्यप्रदेशस्य आगरमालवा-जनपदे नलखेड़ा-स्थले स्थिते विश्वविख्याते पीताम्बरा सर्वसिद्धपीठे मातुः बगलामुख्याः मन्दिरे गुरुवासरे मन्दिरस्य पण्डितैः धरना–प्रदर्शनं कृत्वा सुसनेर-उपमण्डलाधिकारिणि (एस्.डी.एम्) सर्वेश यादव इत्यस्मिन् गम्भीराः आरोपाः कृताः तथा तस्य तत्क्षणं निष्कासनस्य मागणी कृता।
पण्डितानां आरोपः अस्ति यत् एस्.डी.एम् सर्वेश यादवः पूर्वसूचनां विमर्शं च विना मनमान्यरीत्या नूतनाः नियमाः प्रवर्तयति। अनेन मन्दिरे बहुवर्षेभ्यः सेवां कुर्वतां पण्डितानां कृते महान् कष्टः उत्पन्नः अस्ति। पण्डितः देवेन्द्रशास्त्री आरोपं कृतवान् यत् एस्.डी.एम् तान् अपमानजनकैः शब्दैः सम्बोधयति। तेन एतदपि उक्तं यत् सः स्वयमेव मुख्यमन्त्री मोहन यादवस्य सम्बन्धी इति कथयित्वा दबावं निर्माति।
पण्डितयोगेशशर्मणा कथितं यत् मन्दिरे प्रायः द्विशतं पण्डिताः विगतपञ्चविंशतिवर्षेभ्यः नियमितरूपेण हवन-अनुष्ठानं कुर्वन्तः आसन्। तान् अकस्मात् निष्कास्य अस्थायीरसीदव्यवस्था प्रवर्तिता, येन तेषां आजीविकायां गम्भीरः सङ्कटः उत्पन्नः अस्ति। क्रुद्धाः पण्डिताः मन्दिरपरिसरे एस्.डी.एम् विरुद्धं घोषणाः कृतवन्तः।
पण्डितैः स्वमागणीनां समर्थनार्थं अनिश्चितकालपर्यन्तं हवन-अनुष्ठानस्य स्थगनस्य घोषणा अपि कृता। विषयस्य सूचनां प्राप्य नलखेड़ा-तहसीलदारः प्रियङ्क श्रीवास्तवः तथा थानाप्रभारी नागेश यादवश्च मन्दिरपरिसरं प्राप्तवन्तौ। तौ पण्डितैः सह विमर्शं कृत्वा स्थितेः शमनाय प्रयत्नं कुर्वन्तौ स्तः। सम्प्रति प्रशासनस्य पण्डितानां च मध्ये वार्ता अनवरतं प्रवर्तते।
हिन्दुस्थान समाचार