- नालासोपारायां मुख्यमंत्रिणः सभामाधृत्य प्रत्रकारवार्ता

मुंबई, 08 जनवरीमासः, (हि. स.)। प्रधानमन्त्रिणो नरेन्द्रमोदिनस्तथा मुख्यमन्त्रिणो देवेंद्रफडणवीसस्य नेतृत्वे राज्ये सर्वत्र प्रचलितेषु विकासकार्येषु सामान्यजनैः पूर्णसमर्थनं दत्तम् अस्ति। राज्ये सम्पन्नेषु नगरपरिषद्-नगरपञ्चायत-निर्वाचनेषु भारतीयजनतापक्षः प्रथमपक्षत्वेन उद्भूतः अस्ति, अधुना च वसई–विरारमहानगरपालिकायामपि जनाः विकासस्य पक्षे मतदानं करिष्यन्ति। अत्र भाजपा, शिवसेना (शिंदे), श्रमजीवी तथा आगरीसेनायाः महायुतेः निर्विवादः विजयः भविष्यति। एतानि वाक्यानि भाजपायाः प्रदेशमुख्यप्रवक्ता केशवउपाध्यायः अवदत्।

वसई–विरारनगरमहानगरपालिकानिर्वाचनप्रचारार्थं मुख्यमन्त्री देवेंद्रफडणवीसस्य एका जनसभा ९ जनवरीदिने नालासोपारा (पूर्व) स्थिते सेन्ट्रल् पार्क् गार्डनमध्ये आयोजिता भविष्यति। अस्याः सभायाः उपलक्ष्ये आयोजितायां पत्रकारवार्तायां केशवउपाध्यायः भाषणं कृतवान्। अस्मिन् अवसरः भाजपायाः पूर्वजिलाध्यक्षः महेन्द्रपाटिलः तथा जिलामहासचिवः मनोजबारोटः अपि उपस्थितौ आस्ताम्।

उपाध्यायः अवदत् यत् स्थानीयनिकायनिर्वाचनानि लघुविधानसभानिर्वाचनरूपेण अवलोक्यन्ते। नगरपरिषद्-नगरपञ्चायतयोः इव राज्यस्य २९ महानगरपालिकासु अपि भाजपायाः भव्यं सफलतां प्राप्स्यति। मुम्बईसहितं सम्पूर्णे राज्ये विकासकार्याणि तीव्रगत्या प्रचलन्ति, येन नगराणां कायाकल्पः भवति। भाजपा केवलं विकासकार्यसूच्याः आधारे कार्यं करोति, येन सामान्यनागरिकाणां विश्वासः पक्षे निरन्तरं वर्धते।

हिन्दुस्थान समाचार