भोपालम्, ०९ जनवरीमासः (हि.स.)।अद्य अर्थात् शुक्रवासरे प्रवासी–भारतीय–दिवसः आचर्यते। अयं दिवसः प्रतिवर्षं ९ जनवरी–तिथौ आयोज्यते। विदेशेषु निवसन्तः ये जनाः विविधेषु क्षेत्रेषु भारतस्य मानं गौरवं च वर्धयन्ति, तेषां सम्मानार्थमेव अयं दिवसः समर्पितः अस्ति।प्रवासी–भारतीय–दिवसस्य आयोजन–घोषणा २००२ तमे वर्षे तत्कालीन–प्रधानमन्त्री अटल–बिहारी–वाजपेयी–महोदयेन कृता आसीत्।मध्यप्रदेशस्य मुख्यमन्त्री डॉ.मोहन–यादवः प्रवासी–भारतीय–दिवसे शुभकामनाः दत्तवान्।मुख्यमन्त्री–महोदयः सामाजिक–माध्यमे ‘एक्स’–मञ्चे लिखितवान्—“प्रवासी–भारतीय–दिवसस्य हार्दिकाः शुभकामनाः।स्वस्य सांस्कृतिक–धरोहरेण परम्पराभिश्च सह सम्बद्धाः सन्तः, विदेश–भूमौ प्रगतिशीलान् नवीनान् अध्यायान् लिखन्तः अप्रवासी–भारतीयाः अस्माकं सर्वेषां गौरवस्य विषया: सन्ति।युष्माकं सर्वेषां कृते मम एषा एव मङ्गल–कामना— यूयं विश्वे भारतं निरन्तरं गौरवान्वितं कुर्वन्तु।”

हिन्दुस्थान समाचार / Dheeraj Maithani