पटना, 01 अक्टूबरमासः (हि.स.)।केन्द्रीयमार्गपरिवहनराजमार्गमन्त्री नितिनगडकरीः गुरुवासरे मुख्यमन्त्रिणा सम्राटचौधरिणा सह बिहारराज्ये राष्ट्रियमार्गाणां भारतीय-राष्ट्रिय-राजमार्ग-प्राधिकरणस्य च विविधपरियोजनानां प्रगतिविषये समीक्षां कृतवान्। लोकसेवकावासस्थिते ‘संकल्प’ सभागारे आयोजितायां सभायां गडकरीः अधिकारिभ्यः सर्वाः परियोजनाः निर्धारितसमयसीमायामेव पूर्णाः कर्तुं तथा निर्माणकार्यस्य गुणवत्तायाः विषये किमपि सम्झौतं न कर्तुं निर्देशान् दत्तवान्।

गडकरीः अवदत् यत् मार्गपरियोजनानां निर्माणे गुणवत्ता सर्वोच्चप्राथमिकता भवितव्या। निर्धारितमानकानुरूपं कार्यं न कुर्वतां संविदाकाराणां विरुद्धं कठोरकार्यवाही करिष्यते। परियोजनानां प्रभाविनिरीक्षणाय कृत्रिमबुद्धिमत्ता अर्थात् एआई-प्रौद्योगिक्याः उपयोगः क्रियमाणः अस्ति इति सः अवदत्।

सभायां पटनापूर्णियाग्रीनफील्ड-द्रुतमार्गः, गोरखपुरसिलीगुडी-द्रुतमार्गः, मुजफ्फरपुरबरौनी चतुर्मार्गीकरणम्, डुमरियाघाटसेतुः, दरभंगासुपौल-राजमार्गः, खगड़ियापूर्णिया, मुजफ्फरपुरसोनवर्षा, राष्ट्रियमार्गः २२ तथा राष्ट्रियमार्गः ३१ इत्येतयोः अनीसाबाददीदारगञ्जखण्डे सेवामार्गसहितः षड्मार्गीयः उन्नतमार्गः, दानापुरबिहटाकरिडोरः, बिहटाकोइलवरमार्गस्य उन्नयनम्, षड्मार्गीयः ग्रीनफील्ड-वाराणसीराँचीकोलकाता-राजमार्गः, आमसदरभंगा, मुंगेरमिर्जाचौकी, बाकरपुरमानिकपुरसाहेबगञ्ज-करिडोरः, सीवानमशरख, पटनाआरासासाराम-चतुर्मार्गीयः करिडोरः, षड्मार्गीयः गङ्गासेतुः, पटनापरिवृत्तमार्गः इत्यादीनां प्रमुखपरियोजनानां विषये विस्तृतचर्चा अभवत् तथा अन्यासां विविधमहत्त्वपूर्णपरियोजनानाम् अद्यतनस्थितेः समीक्षा अपि कृता।

गडकरीः अधिकारिभ्यः परियोजनानां कार्यान्वयने उत्पद्यमानानां समस्याणां शीघ्रं समाधानं कर्तुं तथा निर्माणकार्ये गतिवर्धनं कर्तुं निर्देशान् दत्तवान्। सभायां औरङ्गाबाद-अम्बाबाईपास-सहितस्य राष्ट्रियमार्गस्य १३९ इत्यस्य चतुर्मार्गीकरणाय तथा राष्ट्रियमार्गस्य ३३३ इत्यस्य बरियारपुरगङ्गटाजमुईखण्डस्य चतुर्मार्गीकरणाय विस्तृतपरियोजनाप्रतिवेदनं अर्थात् डीपीआर सज्जीकर्तुमपि निर्देशः दत्तः।

केन्द्रीयमन्त्रिणा मार्गनिर्माणे नदीतलस्य पङ्कस्य अर्थात् सिल्टस्य उपयोगसम्बद्धायां बिहारसर्वकारस्य नीतौ प्रशंसा कृता। सः अवदत् यत् बिहारस्य एषा पहल सम्पूर्णदेशस्य कृते आदर्शरूपा भवितुमर्हति। अनेन उपलब्धानां प्राकृतिकसंसाधनानाम् उपयोगः प्रोत्साहितः भविष्यति तथा मार्गनिर्माणं अधिकं प्रभावी कर्तुं साहाय्यं भविष्यति।

मुख्यमन्त्री चौधरी अवदत् यत् एतासां परियोजनानां पूर्णतया कार्यान्वितत्वे सम्बद्धेषु क्षेत्रेषु मार्गसम्पर्कः, यातायातव्यवस्था, आर्थिकक्रियाकलापाश्च गतिं प्राप्स्यन्ति। बिहारसर्वकारः राज्ये आधुनिकस्य, सुरक्षितस्य, गुणवत्तापूर्णस्य च मार्गजालस्य विकासाय प्रतिबद्धः अस्ति। राष्ट्रियमार्गपरियोजनानां प्रभाविणा कार्यान्वयनेन राज्ये आवागमनं सुगमं भविष्यति तथा व्यापारः, पर्यटनम्, उद्योगः, आर्थिकविकासश्च नवीनां गतिं प्राप्स्यन्ति।

सः परियोजनानां समयबद्धरूपेण पूर्णतां तथा तासां कार्यान्वयने उत्पद्यमानानां समस्याणां शीघ्रसमाधानं सुनिश्चितं कर्तुं विशेषं बलं दत्तवान्। बिहारराज्ये केन्द्रसर्वकारस्य परियोजनानां द्रुतगतिना पूर्णतां कारयितुं प्रधानमन्त्रिणः नरेन्द्रमोदिनः तथा केन्द्रीयमन्त्रिणः नितिनगडकरेः प्रति सः कृतज्ञताम् अपि व्यक्तवान्।

सभायां उपमुख्यमन्त्री विजयकुमारचौधरी, बिजेन्द्रप्रसादयादवः, पथनिर्माणमन्त्री कुमारशैलेन्द्रः, मुख्यसचिवः प्रत्ययअमृतः, विकासायुक्तः मिहिरकुमारसिंहः, पर्यावरणवनजलवायुपरिवर्तनविभागस्य अपरमुख्यसचिवः आनन्दकिशोरः, पथनिर्माणविभागस्य सचिवः पङ्कजकुमारपालः, मुख्यमन्त्रिणः सचिवः लोकेशकुमारसिंहः, मुख्यमन्त्रिणः सचिवः सञ्जयकुमारसिंहः, खानिभूगर्भविभागस्य सचिवः अवनीशकुमारसिंहः इत्यादयः केन्द्रीयमार्गपरिवहनराजमार्गमन्त्रालयस्य अन्ये वरिष्ठाधिकारिणश्च उपस्थिताः आसन्।

---------------

Hindusthan Samachar / Dheeraj Maithani