Enter your Email Address to subscribe to our newsletters
चमोली, 01 अक्टूबरमासः (हि.स.)।अन्ताराष्ट्रियवृद्धजनदिवसस्य अवसरे गुरुवासरे गोपेश्वरस्थिते राजकीयवृद्धाशक्तिनिकेतने शिविरं सम्मानसमारोहश्च आयोजितौ। कार्यक्रमस्य अवसरे वरिष्ठनागरिकाः शाटिकाभिः स्मृतिचिह्नैश्च सम्मानिताः। स्वास्थ्यविभागस्य दलद्वारा वरिष्ठनागरिकाणां निःशुल्कं स्वास्थ्यपरीक्षणं कृत्वा तेभ्यः विविधकल्याणकारीयोजनानां सुविधानां च विषये सूचना प्रदत्ता।
कार्यक्रमे वरिष्ठनागरिकाणाम् अनुभवानां परामर्शानां च श्रवणमपि कृतम्। ‘संततीनां कारवाँ’ इति विषयवस्तुम् आधृत्य छात्रछात्राणां कृते चित्रकलानिबन्धगायनप्रतियोगिताः आयोजिताः। अटलवयोऽभ्युदययोजनायाः अन्तर्गतं वरिष्ठनागरिकेभ्यः त्रिंशत् सहायकसाधनानि अपि वितरितानि।
जिलाविधिकसेवाप्राधिकरणस्य सचिवः पुनीतकुमारः अग्रिमकार्यालयसहायताकेन्द्रस्य हेल्पलाइनव्यवस्थायाः विषये सूचनां प्रदाय अवदत् यत् अस्य माध्यमेन वरिष्ठनागरिकेभ्यः निःशुल्का विधिकसहायता तथा विभिन्नविभागसम्बद्धानां समस्याणां समाधानाय सहायता च प्रदीयते। वरिष्ठनागरिकाणां समस्याणां शीघ्रनिराकरणाय सन्देशसमूहनिर्माणं कृत्वा तं जिलाविधिकसेवाप्राधिकरणेन सह सम्बद्धं कर्तुं निर्देशः अपि प्रदत्तः।
अस्मिन् अवसरे वरिष्ठनागरिकैः युवभ्यः ‘नशामुक्तभारताभियानस्य’ अन्तर्गतं ‘नशायाः विरुद्धम् एकं युद्धम्’ इति अभियानस्य सह भागं ग्रहीतुं तथा नशाविरोधिजागरूकतां प्रसारयितुं च आह्वानं कृतम्।
कार्यक्रमे अधिवक्ता समीरबहुगुणः, जिलासमाजकल्याणाधिकारी धनञ्जयसिंहलिङ्गवालः, सामाजिकक्षेत्रे कार्यरताः वरिष्ठनागरिकाः, छात्रछात्राः विभागीयकर्मचारिणश्च उपस्थिताः आसन्।
Hindusthan Samachar / Dheeraj Maithani