जम्मू, १० अक्टोबरमासः (हि.स.)। मातुः वैष्णोदेव्याः पौराणिकगाथां रङ्गमञ्चे सजीवं प्रस्तुतयन्ती नटरङ्ग-संस्थायाः सङ्गीतमयी नाट्यप्रस्तुतिः ‘मातुः कथा’ अक्टोबरमासस्य १२ दिनाङ्कात् कटड़ानगरे प्रतिदिनं मञ्चिता भविष्यति। श्रीमातावैष्णोदेवीश्राइनबोर्ड इत्यस्य जम्मू-कश्मीरपर्यटनविभागस्य च सहयोगेन आयोजितस्य नवरात्रिमहोत्सव-२०२६ इत्यस्य अन्तर्गतं स्पिरिचुअल् ग्रोथ् सेण्टर इत्यस्य सभागारे प्रतिदिनं सायं ४ वादने ६ वादने च अस्याः प्रस्तुत्याः प्रदर्शनीद्वयं भविष्यतः।

श्रद्धालवः पर्यटकाः च अस्याः प्रस्तुत्याः निःशुल्कम् आनन्दं प्राप्तुं शक्ष्यन्ति। नाटकस्य लेखकः निर्देशकश्च पद्मश्रीबलवन्तठाकुरः अवदत् यत् नटरङ्ग-जम्मू-संस्थया एतदायोजनं मातुः वैष्णोदेव्याः दर्शनार्थम् आगच्छन्तः श्रद्धालवः तस्याः पौराणिकगाथया परिचिताः भवेयुः इति उद्देश्येन क्रियते। सः जम्मूनगरस्य तथा क्षेत्रस्य अन्यभागानां जनान् परिवारजनैः सह एतां प्रस्तुतिं द्रष्टुं समाहूतवान्।

‘मातुः कथा’ इति नाट्यप्रस्तुतिः मातुः वैष्णोदेव्याः गाथाम् आधारीकृत्य निर्मिता प्रथमा रङ्गमञ्चीयप्रस्तुतिः इति कथ्यते। अभिनयेन, सङ्गीतेन, नृत्येन आकर्षकैः मञ्चीयदृश्यैश्च अस्यां मातुः आध्यात्मिकयात्रा प्रदर्शिता अस्ति। नाटके मातुः वैष्णव्याः जन्म, तपस्या, धर्मस्थापनस्य च उद्देश्यम् आधारीकृत्य पौराणिकी कथा प्रस्तुतास्ति। अस्याः प्रस्तुत्याः निर्माणे कलाकाराणां, तन्त्रज्ञानां, रूपाङ्कनकर्तॄणां च दलस्य योगदानम् अस्ति।

नीरजकान्तः निर्देशनकार्ये सहयोगम् अकरोत्, सनीमूजू नृत्यनिर्देशनस्य दायित्वम् अवहत्, शिवमसिंहः च प्रकाश-व्यवस्थायाः दायित्वम् अस्वीकृतवान्।

अस्मिन् नाटके अनेके कलाकाराः विविधाः भूमिकाः निर्वहन्ति।

Hindusthan Samachar / Divya Ranjan