Enter your Email Address to subscribe to our newsletters
जनतादरबारे आवासः, चिकित्सा, निवृत्तिवेतनं दिव्याङ्गजनानां समस्याश्च श्रुताः, अधिकारिभ्यः शीघ्रसमाधानस्य निर्देशाः
लखनऊ, १२ अक्टोबरमासः (हि.स.)। उत्तरप्रदेशस्य उपमुख्यमन्त्री केशव-प्रसादमौर्यः सोमवासरे कालिदासमार्गे स्थिते स्वनिवासे जनतादरबारम् आयोज्य प्रदेशस्य विभिन्नजनपदेभ्यः आगतानां जनानां समस्याः अशृणोत्।
सः सम्बन्धिताधिकारिभिः दूरभाषमाध्यमेन लिखितरूपेण च सम्पर्कं कृत्वा पात्रजनानां समस्याः प्राथमिकतया समाधातुं तथा सर्वकारीययोजनानां लाभं आवश्यकता-ग्रस्तेभ्यः जनेभ्यः प्रापयितुं निर्देशान् दत्तवान्।
उपमुख्यमन्त्री अवदत्, “अहं जनसेवायै सर्वदा उपलब्धः अस्मि। जनसमस्यानां समाधानं मम कृते पूजाकरणस्य समानम् अस्ति।” सः जनसूचनानां निस्तारणे संवेदनशीलतया शीघ्रतया च कार्यं कर्तुं अधिकारिभ्यः निर्देशान् दत्तवान्।
जनतादरबारे सीतापुरजनपदस्य दिव्याङ्गः कमलदीपः मोटरचालितत्रिचक्रिकां प्रदातुं अनुरोधं कृतवान्। अस्मिन् विषये उपमुख्यमन्त्री सीतापुरस्य जनपदा-धिकारिणे लिखितरूपेण मौखिकरूपेण च निर्देशान् दत्त्वा तस्मै तत्कालं त्रिचक्रिकां प्रदातुं निर्दिष्टवान्।
Hindusthan Samachar / Divya Ranjan