काशीसांसदक्रीडास्पर्धा २०२६ : क्रॉसकण्ट्रीधावनेन सह अन्तरविश्वविद्यालयीयक्रीडास्पर्धायाः शुभारम्भः

वाराणसी, १३ अक्टोबर (हि.स.)। उत्तरप्रदेशस्य वाराणसीनगरे काशीसांसदक्रीडास्पर्धायाः २०२६ अन्तर्गता त्रिदिवसीया अन्तरविश्वविद्यालयीयक्रीडास्पर्धा काशीहिन्दूविश्वविद्यालयस्य परिसरे मङ्गलवासरात् प्रारब्धा। प्रथमदिने पुरुषमहिलावर्गयोः कृते क्रॉसकण्ट्रीधावनस्पर्धायाः आयोजनं कृतम्। विश्वविद्यालयस्य क्रीडापरिषदः महासचिवः प्रो. अनुपमकुमार नेमा हरितपताकां प्रदर्श्य धावकान् एम्फीथियेटर्-क्रीडाङ्गणात् प्रास्थापयत्। अस्यां रोमाञ्चकारिण्यां धावनस्पर्धायां विभिन्नविश्वविद्यालयेभ्यः समागताः कुलं ५६ प्रतिभागिनः भागं गृहीतवन्तः तथा च स्वकीयां क्रीडाप्रतिभां प्रदर्शितवन्तः। सुरक्षायाः स्वास्थ्यस्य च दृष्ट्या काशीहिन्दूविश्वविद्यालयस्य प्रशासनेन घटनास्थले रुग्णवाहिकायाः सुरक्षाकर्मिणां च समुचितव्यवस्था कृता आसीत्।

अन्तरविश्वविद्यालयीयकाशीसांसदक्रीडास्पर्धायाः सचिवा डॉ. कविता वर्मा अवदत् यत् नोडल्-अधिकारी डॉ. सदानन्द गुप्तस्य समन्वयिका डॉ. पूजा सिंह इत्यनयोः विशेषसहकारेण इण्डियन-बैङ्क्-संस्थायाः प्रायोजनेन च एतदायोजनं सुचारुरूपेण प्रचलति।

क्रॉसकण्ट्रीधावनस्पर्धायाः (१० किलोमीटर्) परिणामाः

क्रीडाप्रभारी डॉ. खुर्शीद अहमदेन घोषितानाम् आधिकारिकपरिणामानाम् अनुसारं पुरुषमहिलावर्गयोः महात्मागान्धिकाशीविद्यापीठस्य क्रीडकानां वर्चस्वम् आसीत्।

पुरुषवर्गे प्रथमस्थानं काशीविद्यापीठस्य विपिन यादवः ३० निमेषैः ०९.१९ सेकण्ड्-मितेन कालेन प्राप्तवान्। द्वितीयस्थानं तस्यैव विश्वविद्यालयस्य पवन यादवः ३० निमेषैः २२.१८ सेकण्ड्-मितेन कालेन प्राप्तवान्। तृतीयस्थानं काशीहिन्दूविश्वविद्यालयस्य मोहित यादवः ३० निमेषैः ४०.८१ सेकण्ड्-मितेन कालेन प्राप्तवान्।

महिलावर्गे प्रथमस्थानं काशीविद्यापीठस्य छाया भारती ३६ निमेषैः ४१ सेकण्ड्-मितेन कालेन प्राप्तवती। द्वितीयस्थानं काशीहिन्दूविश्वविद्यालयस्य कृति राय ४१ निमेषैः ४२ सेकण्ड्-मितेन कालेन प्राप्तवती। तृतीयस्थानं काशीविद्यापीठस्य प्रियङ्का पटेल ४१ निमेषैः ५८ सेकण्ड्-मितेन कालेन प्राप्तवती।

स्पर्धायाः सचिवा डॉ. कविता वर्मा अवदत् यत् आगामीषु द्विदिनेषु विविधाः क्रीडास्पर्धाः आयोजयिष्यन्ते।

चतुर्दशे अक्टोबर्-दिने सायं ४:३० वादने पुरुषवर्गस्य हाकी-स्पर्धा एस्ट्रोटर्फ्-हाकी-क्रीडाङ्गणे भविष्यति। अस्याः स्पर्धायाः प्रभारी डॉ. प्रदीप खलको, उपप्रभारी च डॉ. वैभव राय स्तः।

तस्मिन्नेव दिने सायं ४:३० वादने बास्केटबॉल्-क्रीडाङ्गणे पुरुषवर्गस्य बास्केटबॉल्-स्पर्धा भविष्यति। अस्याः प्रभारी डॉ. धीरेन्द्र तिवारी, उपप्रभारी च डॉ. किरण आर्या स्तः।

पञ्चदशे अक्टोबर्-दिने सायं ४:३० वादने बास्केटबॉल्-क्रीडाङ्गणे महिलावर्गस्य बास्केटबॉल्-स्पर्धा आयोजयिष्यते। अस्याः प्रभारी डॉ. धीरेन्द्र तिवारी, उपप्रभारी च डॉ. प्रमोद कुमार यादव स्तः।

एतस्मिन्नेव क्रमे सायं ४:३० वादने वॉलीबॉल्-क्रीडाङ्गणे पुरुषमहिलावर्गयोः वॉलीबॉल्-स्पर्धाः भविष्यन्ति। अस्याः स्पर्धायाः प्रभारी डॉ. रॉबिन कुमार सिंहः, उपप्रभारिणौ च क्रमशः डॉ. राजीव कुमार सिंहः तथा डॉ. हरिराम यादवः स्तः।

प्रथमदिने स्पर्धायाः उद्घाटनसत्रे केन्द्रीयतिब्बतीविश्वविद्यालयस्य तेन्जिङ्, काशीहिन्दूविश्वविद्यालयस्य उपमुख्यप्रॉक्टर् प्रो. निर्मला होरो, प्रो. मीनू लकरा, डीएवी पीजी महाविद्यालयस्य प्रोफेसर् टी. ओनिमारेड्डी, सचिवः डॉ. दीपक डोगरा, डॉ. राजीव कुमार सिंहः, डॉ. रोबिन कुमार सिंहः, डॉ. प्रदीप खलको इत्यादयः उपस्थिताः आसन्।

Hindusthan Samachar / Dheeraj Maithani