Enter your Email Address to subscribe to our newsletters
— मुम्बईनगरे आयोजिते आईईआईए एमआईसीई-उद्योगनेतॄणां सम्मेलने मध्य-प्रदेशेन प्रस्तुतः विकासमार्गः, अन्ता-राष्ट्रियसम्मेलनानाम् आयोजनायाः आतिथ्ये च विशेषं बलम्
भोपालम्, १६ अक्टोबरमासः (हि.स.)। मध्यप्रदेशं अन्ताराष्ट्रियस्तरस्य एम-आईसीई-पर्यटनकेन्द्ररूपेण विकसितुं आधुनिकसम्मेलन-प्रदर्शिनीकेन्द्राणां निर्माणे उन्नताधोसंरचनायां च विशेषं बलं दीयते। एमआईसीई इत्यस्य पूर्णरूपम् अस्ति—सभाः, प्रोत्साहनकार्यक्रमाः, सम्मेलनानि, प्रदर्शिन्यः च।
राजधानी भोपालस्य सतगढ़ी-स्मार्ट-औद्योगिकपरिसरे १७२ एकरमिते क्षेत्रे प्रस्ताविते सम्मेलन-प्रदर्शिनीकेन्द्रे एकस्मिन् समये ६ सहस्रात् ८ सहस्रपर्यन्तं प्रतिनिधीनां कृते उपवेशनव्यवस्था भविष्यति। पर्यटननीतेः २०२५ अन्तर्गतं आयोजकेभ्यः निवेशकेभ्यश्च विविधाः वित्तीयप्रोत्साहनयोजनाः अपि प्रदास्यन्ते।
शुक्रवासरे मुम्बईनगरे स्थिते जियो-वर्ल्ड-सम्मेलनकेन्द्रे आयोजिते ‘आईईआईए एमआईसीई-उद्योगनेतॄणां सम्पर्क-सम्मेलने’ केन्द्रीयपर्यटन-मन्त्रालयस्य अपरसचिवः महानिदेशकश्च सुमनबिल्ला भागं गृहीतवान्। अस्मिन्नवसरे मध्यप्रदेश-पर्यटन-मण्डलस्य अपरप्रबन्धसञ्चालकः डॉ. अभय अरविन्द बेडेकरः प्रदेशस्य सम्भावनानां निवेशा-वसराणां च विषये प्रस्तुतिं कृतवान्।
भारतीयप्रदर्शनी-उद्योगसङ्घेन भारत-सर्वकारस्य पर्यटनमन्त्रालयस्य सहयोगेन आयोजितस्य अस्य सम्मेलनस्य विषयः आसीत्—‘भारते एमआईसीई-आयोजनानां कृते अनुकूलव्यवस्थायाः निर्माणम्’। सम्मेलने पश्चिमभारतं वैश्विक-एमआईसीई-पर्यटनस्य मानचित्रे प्रतिष्ठा-पयितुं विषये विस्तृता विचारगोष्ठी आयोजिता।
भोपालनगरे प्रदेशस्य बृहत्तमम् एमआईसीई-सम्मेलनकेन्द्रं निर्मास्यते
अपरप्रबन्धसञ्चालकः डॉ. बेडेकरः अवदत् यत् भोपालनगरे प्रस्ताविते सतगढ़ी-सम्मेलन-प्रदर्शनीकेन्द्रे ६ सहस्रात् ८ सहस्रपर्यन्तं प्रतिनिधीनां कृते उपवेशनक्षमता विकसितुं योजना अस्ति। एतत् केन्द्रं १७२ एकरमिते क्षेत्रे विकसितस्य सतगढ़ी-स्मार्ट-औद्योगिक-परिसरस्य भागः भविष्यति। परियोजनायाः योजनानिर्माणे भारतीय-व्यापारप्रवर्धन-सङ्गठनस्य तान्त्रिकसहयोगः स्वीक्रियते।
वर्तमानकाले भोपालनगरे कुशाभाऊ ठाकरे-अन्ताराष्ट्रियसम्मेलनकेन्द्रं कार्यरतम् अस्ति। तदतिरिक्तम्, इन्दौरनगरे स्थिते ब्रिलियण्ट्-सम्मेलनकेन्द्रे ५ सहस्राधिकानां प्रतिनिधीनां कृते उपवेशनक्षमता तथा १५ पृथक्-सत्रकक्षाः सन्ति। खजुराहोनगरे स्थिते महाराजा छत्रसाल-सम्मेलनकेन्द्रे १२०० अधिकानां प्रतिनिधीनां कृते आधुनिकसुविधाः उपलब्धाः सन्ति।
अपरप्रबन्धसञ्चालकः डॉ. बेडेकरः अवधानितवान् यत् मध्यप्रदेशपर्यटन-मण्डलस्य उद्देश्यं प्रदेशं व्यावसायिक-आयोजनानां प्रमुखगन्तव्यरूपेण प्रतिष्ठा-पयितुम् अस्ति। आधुनिकाधोसंरचनायाः, निवेशानुकूलनीतीनां, संस्थागत-सहयोगस्य तथा प्रदेशस्य समृद्धप्राकृतिक-सांस्कृतिकसम्पदः समन्वयेन मध्यप्रदेशे एमआईसीई-पर्यटनस्य सम्भावनानां नूतनः विस्तारः भविष्यति।
मध्यप्रदेशपर्यटननीतेः २०२५ अन्तर्गतं एमआईसीई-पर्यटनस्य प्रोत्साहनाय विविधवित्तीयप्रोत्साहनानां व्यवस्था कृता अस्ति। अस्याः नीत्याः अन्तर्गतं ५०० अथवा ततोऽधिकक्षमतायुक्तानां पात्राणाम् आवासीयसम्मेलनपरियोजनानां पूँजीनिवेशे १५ प्रतिशतं, अधिकतमं १० कोटिरूप्यकाणि यावत्, अनुदानं प्रदातुं शक्यते। तदतिरिक्तं पात्राणां राष्ट्रिय-अन्ताराष्ट्रियव्यापारप्रदर्शनानां कृते स्थलस्य प्रदर्शिनीकक्षाणां च व्यये ५० प्रतिशतं यावत् अनुदानम्, ‘हरित-आयोजन-स्थायित्व-प्रमाणनस्य’ कृते च अधिकतमं १ लक्षरूप्यकाणां शतप्रतिशतप्रतिपूर्तेः प्रावधानम् अस्ति।
प्रदेशे बृहद्व्यावसायिकायोजनानाम् आयोजनक्षमतायाः प्रत्यक्षोदाहरणं ‘मध्यप्रदेश-ट्रैवल-मार्ट्-२०२६’ आसीत्। अस्मिन् आयोजने ३४ देशेभ्यः १०० अधिकाः अन्ताराष्ट्रियपर्यटन-सञ्चालकाः, १५ राज्येभ्यः १८० देशीयपर्यटन-सञ्चालकाः तथा ६०० अधिकाः हितधारकाः भागं गृहीतवन्तः। अस्मिन् आयोजने १७७ प्रदर्शिनीकक्षाणां माध्यमेन १०,२६३ बी२बी-व्यावसायिकसभाः सम्पन्नाः।
मध्यप्रदेशे राष्ट्रिय-अन्ताराष्ट्रिया-योज-नानाम् आकर्षणाय ‘नगर-एमआईसीई-प्रवर्धन-कार्यालयस्य’ स्थापनायाः प्रस्तावः अस्ति। अस्य माध्यमेन आयोजकेभ्यः उपयुक्तस्थलानां स्थानीय-सहभागिनां च चयनाय, सम्बन्धित-शासकीयविभागैः होटलव्यवसायिभिश्च सह समन्वयाय, वित्तीयप्रोत्साहनानां विषये सूचनाप्राप्तये तथा प्रतिनिधीनां कृते विशेषपर्यटन-पुटकानां निर्माणाय च एकलवातायन-माध्यमेन सहयोगः प्रदास्यते।
Hindusthan Samachar / Divya Ranjan