Enter your Email Address to subscribe to our newsletters
रायपुरम्, 16 अक्टूबरमासः (हि.स.)।
राष्ट्रपतिः द्रौपदी मुर्मुः अक्टूबरमासस्य २२ तथा २३ दिनाङ्कयोः छत्तीसगढराज्यस्य प्रवासे स्थास्यति। अस्मिन् प्रवासकाले सा रायपुरे जगदलपुरे च आयोजितेषु विविधेषु कार्यक्रमेषु भागं ग्रहीष्यति।
अक्टूबरमासस्य २२ दिनाङ्के राष्ट्रपतिः रायपुरस्थिते लोकभवने मध्याह्ने १२ वादनतः ४५ निमेषे पूज्यायाः माता हासिदेवीमहोदयायाः सम्मानार्थं २०० मूल्यवर्गस्य स्मारकमुद्रां विमोचयिष्यति। ततः सायं ४ वादने सा रायपुरस्य बुढापारास्थिते बलबीरसिंहजुनेजा अन्तःक्रीडाङ्गणे नुआखाईपर्वणः अवसरे आयोजिते ‘सेवासम्मानपर्वणि’ तथा ‘युवाप्रबोधन’ कार्यक्रमयोः मुख्यातिथिरूपेण भागं ग्रहीष्यति।
अक्टूबरमासस्य २३ दिनाङ्के राष्ट्रपतिः प्रातः ११ वादने जगदलपुरस्थिते मातुः दन्तेश्वर्याः मन्दिरे पूजामर्चनां च करिष्यति। ततः मध्याह्ने १२ वादनतः ४५ निमेषे सा जगदलपुरे मुरियादरबारस्य बस्तरदशहरापर्वणश्च अवसरे आयोजिते सार्वजनिककार्यक्रमे भागं ग्रहीष्यति।
राष्ट्रपतेः अयं द्विदिवसीयः छत्तीसगढप्रवासः राज्यस्य राजधानीरायपुरे बस्तरक्षेत्रे च आयोजितेषु विविधेषु औपचारिकेषु सांस्कृतिकेषु सार्वजनिकेषु च कार्यक्रमेषु तस्याः सहभागितायाः अवसरः भविष्यति। इयं सूचना अद्य शुक्रवासरे भारतीयपत्रसूचनाकार्यालयेन (पीआईबी) निर्गता।
---------------
Hindusthan Samachar / अंशु गुप्ता