मुंबई, 17 अक्टूबरमासः (हि.स.)।

चलच्चित्राणां आयसङ्ग्रहविषये यामि गौतमस्य ‘नई नवेली’ इति चलचित्रेण प्रथमदिने राजकुमाररावः अभिनीतं ‘प्रहार’ इति चलचित्रं पराजितम्। उभयोः चलचित्रयोः चित्रमन्दिरेषु मन्दारम्भः अभवत्, तथापि आयस्य दृष्ट्या यामि गौतमस्य अतिप्राकृतिकहास्यप्रधानं चलचित्रम् अग्रे स्थितम्।

सैकनिल्क् इत्यस्य प्रारम्भिकगणनानुसारं ‘नई नवेली’ इति चलचित्रेण देशे ६,२८१ प्रदर्शनैः प्रथमदिने ३.२५ कोटिरूप्यकाणाम् आयः अर्जितः। अस्य चलचित्रस्य वैश्विकः आयः ४.५८ कोटिरूप्यकाणि इति कथितः।

अन्यतः न्यायालयीयनाट्यप्रधानं ‘प्रहार’ इति चलचित्रं देशे ४,१३३ प्रदर्शनैः प्रथमदिने २.३५ कोटिरूप्यकाणि अर्जितवान्। एवं प्रारम्भिकायसङ्ग्रहे ‘नई नवेली’ इति चलचित्रेण अग्रता प्राप्ता। तथापि उभयोः चलचित्रयोः सम्मुखे चित्रमन्दिरेषु स्वस्थानं दृढं स्थापयितुं चुनौती विद्यते। आगामीषु दिनेषु दर्शकानां प्रतिक्रियाः आयस्य च आँकडाः निर्णेष्यन्ति यत् कतरत् चलचित्रं गतिं प्राप्तुं शक्नोति।

उभयोः हिन्दीचलचित्रयोः दक्षिणभारतीयचलचित्रैः सह अपि तीव्रा प्रतिस्पर्धा भवति। उपलब्धानां प्रारम्भिकगणनानाम् अनुसारं विजयदेवरकोण्डस्य ‘रणबाली’ इति चलचित्रेण प्रथमदिने ९.२५ कोटिरूप्यकाणि अर्जितानि, यदा रजनीकान्तस्य ‘जेलर २’ इति चलचित्रेण द्विदिनेषु वैश्विकस्तरे २०० कोटिरूप्यकाणाम् आयसीमा अतिक्रान्ता। ‘नई नवेली’ इति चलचित्रस्य विषये समीक्षकाणां दर्शकानां च प्रतिक्रियाः मिश्रिताः सन्ति। ‘प्रहार’ इति चलचित्रं समीक्षकैः सकारात्मकां प्रतिक्रियां प्राप्तवान्, तथापि प्रारम्भिकायसङ्ग्रहे अपेक्षिताम् अग्रतां न प्राप्तवान्। अधुना उभयोः चलचित्रयोः सप्ताहान्तस्य प्रदर्शनम् अत्यन्तं महत्त्वपूर्णं भविष्यति।

---------------

Hindusthan Samachar / Dheeraj Maithani