नव दिल्ली, 18 अक्टूबरमासः (हि.स.)।

केन्द्रीयऔद्योगिकसुरक्षाबलः नवम्बरमासस्य प्रथमदिनाङ्कात् स्वस्य प्रशासनिके परिचालनात्मके च ढाँचे परिवर्तनं करिष्यति। केन्द्रीयगृहमन्त्रालयेन अस्य अनुमतिः प्रदत्ता अस्ति। अस्य उद्देश्यं महत्त्वपूर्णानां आधारभूतसंरचनानां सामरिकप्रतिष्ठानानां च सुरक्षाव्यवस्थां अधिकविशिष्टां प्रभावशालिनीं च कर्तुम् अस्ति।

बलं औद्योगिकक्षेत्राणाम् आवश्यकतानुसारं विभिन्नानां सेक्टराणां पुनर्गठनं करिष्यति। अस्मिन् उद्योगानां प्रतिष्ठानानां च सुरक्षासम्बद्धानाम् आवश्यकतानां ध्यानं धारयिष्यते। एतेषु विद्युत्, कोयला, इस्पात, पेट्रोलियम एवं प्राकृतिकगैस, पत्तनानि, सर्वकारीयभवनानि, सङ्ग्रहालयाः, स्मारकाणि, जनपरिवहनव्यवस्था च अन्तर्भवन्ति।

सीआईएसएफ इत्यस्य अनुसारं नवीनव्यवस्थया परिचालनस्य निरीक्षणं अधिकं प्रभावशालि भविष्यति तथा विभिन्नेषु क्षेत्रेषु विशेषज्ञता विकसितुं शक्यते। सुरक्षाप्रक्रियासु एकरूपता आगमिष्यति। सम्बन्धितैः मन्त्रालयैः, विभागैः, प्रतिष्ठानानां प्रबन्धनैः च सह समन्वयः सुदृढः भविष्यति।

दिल्लीसेक्टरः सर्वकारीयभवनानां, सङ्ग्रहालयानां, जनपरिवहनव्यवस्थायाश्च सुरक्षायाः दायित्वं निर्वक्ष्यति। अस्य पुनर्गठनं सर्वकारीयभवनानि, सङ्ग्रहालयाः, स्मारकाणि तथा जनपरिवहनव्यवस्था (जीबीएमएम एवं एमआरटीएस) इति सेक्टररूपेण भविष्यति।

विद्युत्क्षेत्रस्य कृते द्वौ सेक्टरौ निर्मितौ भविष्यतः। नवदिल्ल्यां स्थितः उत्तरीयक्षेत्रः तथा कोलकातायां स्थितः उत्तरपूर्वीयक्षेत्रम् द्वितीयं च क्रमशः विद्युत् प्रथमक्षेत्रस्य विद्युत् द्वितीयक्षेत्रस्य च रूपेण पुनर्गठितौ स्तः।

कोयलाक्षेत्रस्य इस्पातक्षेत्रस्य च कृते पृथक् सेक्टरौ भविष्यतः। राँचीनगरे स्थितः पूर्वीयसेक्टरः कोयलासेक्टररूपेण परिवर्तितः भविष्यति। भिलाईनगरे स्थितः केन्द्रीयसेक्टरः इस्पातसेक्टररूपेण परिवर्तितः भविष्यति। गुवाहाटीनगरे स्थितः उत्तरपूर्वीयसेक्टरः पेट्रोलियम एवं प्राकृतिकगैससेक्टररूपेण परिवर्तितः भविष्यति।

मुम्बईनगरे स्थितः पश्चिमीयसेक्टरः पश्चिमतटीयपत्तनसेक्टररूपेण तथा चेन्नईनगरे स्थितः दक्षिणीयसेक्टरः पूर्वतटीयपत्तनसेक्टररूपेण परिवर्तितः भविष्यति।

एतदतिरिक्तं बेङ्गलूरुनगरे स्थितः परमाणुऊर्जाविभागस्य अन्तरिक्षविभागस्य च (डीएई एवं डीओएस) सेक्टरः पूर्ववत् कार्यं करिष्यति। नवदिल्ल्यां स्थितस्य विमानपत्तनसेक्टरस्य प्रथमस्य तथा बेङ्गलूरुनगरे स्थितस्य विमानपत्तनसेक्टरस्य द्वितीयस्य च वर्तमानः कार्यात्मकः प्रबन्धः अपि निरन्तरं भविष्यति।

उल्लेखनीयम् अस्ति यत् पूर्वं सीआईएसएफ इत्यस्य प्रशासनिकस्य परिचालनस्य च निरीक्षणं मुख्यतया भौगोलिकक्षेत्राणाम् आधारेण क्रियते स्म। विगतेषु पञ्चविंशतिवर्षेषु बलेन विमाननक्षेत्रे तथा परमाणुऊर्जाविभागेन अन्तरिक्षविभागेन च सम्बद्धेषु सामरिकप्रतिष्ठानेषु कार्यात्मकव्यवस्था स्वीकृता अस्ति।

---------------

Hindusthan Samachar / Dheeraj Maithani