धमतरी, १९ अक्टोबरमासः (हि.स.)। परस्परभ्रातृत्वस्य, सामाजिकसद्भावस्य, सेवाभावस्य च प्रवर्धनस्य उद्देश्यम् आदाय प्रतिवर्षमिव अस्मिन् वर्षेऽपि धमतरी-नगरस्य नूतनबसस्थानके आटो-स्वामिसङ्घेन, बसस्वामिसङ्घेन, चालकैश्च विशालस्य भण्डारस्य आयोजनं कृतम्। अष्टम्याः अनन्तरम् आयोजिते अस्मिन् भण्डारे मध्याह्नस्य एकवादनात् सायं सप्तवादनपर्यन्तं श्रद्धालुभ्यः सामान्य-नागरिकेभ्यश्च प्रसादः वितरितः।

अस्मिन् आयोजने बसस्थानकेन सम्बद्धैः जनैः उत्साहपूर्वकं सहभागिता कृता तथा सेवाभावेन जनानां मध्ये प्रसादः वितरितः। आटो-सङ्घस्य अध्यक्षः साहिल अहमदः अवदत् यत् सर्वे धर्माः समक्षे सन्ति तथा प्रत्येकं धर्मः मानवम् सदाचारस्य, प्रेम्णः, भ्रातृत्वस्य, सद्भावस्य च मार्गे चलितुं शिक्षयति। एतादृशाः आयोजनाः समाजे परस्परप्रेम्णः ऐक्यस्य च भावनां सुदृढां कुर्वन्ति।

प्रतिवर्षस्य परम्परानुसारम् अस्मिन् वर्षेऽपि अष्टम्याः अनन्तरं भण्डारस्य आयोजनं कृत्वा जनानां मध्ये प्रसादः वितरितः। कार्यक्रमे आटो-सङ्घस्य अध्यक्षः साहिल अहमदः, राहुलगुप्तः, राजूगुप्तः, समदखानः, सन्तोष अहिरवारः, सद्दामखानः, उबेदराजा, छोटे, नानू, अङ्कितसोनी, होरीलालः, विजयशर्मा, कृष्णकुमारसाहू, सातमसिंह राजपूतः, हसीबभाई, गोविन्दसाहू, शङ्करसाहू, साबू, दादूखानः, गीतकुमारः, अशफाकभाई च उपस्थिताः आसन्। एतेषां सह आटो-सङ्घस्य सदस्याः, बसचालकाः, बसस्वामिनः तथा सम्पूर्णस्य बसस्थानकपरिवारस्य सदस्याः अपि उपस्थिताः आसन्।

Hindusthan Samachar / Divya Ranjan