नवदिल्ली, 19 अक्टूबरमासः (हि.स.)।

भारतं प्रथमवारं अक्टोबरमासस्य २६ दिनाङ्कतः २८ दिनाङ्कपर्यन्तं नवदेहल्यां अन्ताराष्ट्रियविधिकमापनसमितेः (सीआईएमएल) एकषष्टितमस्य अधिवेशनस्य आतिथ्यं करिष्यति। एतदधिवेशनं भारतसर्वकारस्य उपभोक्तृकार्यविभागेन अन्ताराष्ट्रियविधिकमापनसङ्घटनस्य सहकारेण आयोज्यते।

उपभोक्तृकार्याणां, खाद्यस्य, सार्वजनिकवितरणस्य च मन्त्रालयस्य अनुसारं त्रिदिवसीयमिदम् अधिवेशनम् अक्टोबरमासस्य २६ दिनाङ्के नवदेहल्यां प्रारप्स्यते।

अस्मिन् अधिवेशने विश्वस्य शताधिकाः अन्ताराष्ट्रियप्रतिनिधयः विधिकमापनविशेषज्ञाश्च भागं ग्रहीष्यन्ति इति अपेक्षा अस्ति। एतेषु ओआईएमएल-सङ्घटनस्य सदस्यदेशानां प्रतिनिधयः, सम्बन्धितसदस्यदेशानां प्रतिनिधयः, अन्ताराष्ट्रियसङ्घटनानां प्रतिनिधयश्च अन्तर्भवन्ति।

अस्याः पूर्वं सीआईएमएल-समितेः षष्टितमम् अधिवेशनम् २०२५ तमस्य वर्षस्य अक्टोबरमासस्य १३ दिनाङ्कतः १५ दिनाङ्कपर्यन्तं फ्रान्सदेशस्य पेरिसनगरे आयोजितम् आसीत्। तस्मिन् ५५ सदस्यदेशानां प्रतिनिधयः सम्मिलिताः आसन्। तदतिरिक्तं १२ सम्बन्धितसदस्यानां पञ्च सम्पर्कसङ्घटनानां च प्रतिनिधयः अपि भागं गृहीतवन्तः।

अधिवेशनेषु स्वचालितवर्तनाङ्कमापकयन्त्राणां, भारमापकयन्त्राणां, यातायातगतिमापकयन्त्राणां च सम्बन्धिनां प्राविधिकप्रकाशनानां स्वीकृत्या सह ओआईएमएल-प्रमाणीकरणव्यवस्थायाः संरचनायाः, अङ्कीकरणस्य, अन्ताराष्ट्रियसहयोगस्य च विषये विचारविमर्शः कृतः

आसीत्।

---------------

Hindusthan Samachar / Dheeraj Maithani