नव दिल्ली, 19 अक्टूबरमासः (हि.स.)।

केन्द्रीयवाणिज्योद्योगमन्त्री पीयूषगोयलः सोमवासरे अवदत् यत् भारत-न्यूजीलैण्डयोः मुक्तव्यापारसम्झौता (एफटीए) अक्टोबरमासस्य २० दिनाङ्कात् प्रभावी भविष्यति। तेन उक्तं यत् अस्याः सहमतेः प्रभावेण चर्मनिर्मितवस्तूनि, पादत्राणानि, परिधानानि, वस्त्राणि च इत्यादिषु श्रमप्रधानक्षेत्रेषु निर्मितानाम् अनेकानां भारतीयवस्तूनाम् आयाते न्यूजीलैण्डदेशे शून्यं शुल्कं देयं भविष्यति।

अत्र आयोजितायां पत्रकारगोष्ठ्यां गोयलः संवाददातॄन् अवदत् यत् अप्रैलमासस्य २७ दिनाङ्के हस्ताक्षरितः अयं सम्झौतपत्रम् मङ्गलवासरादेव न्यूजीलैण्डं प्रति भारतस्य सर्वेषाम् निर्यातानां शुल्कमुक्तप्रवेशं प्रदास्यति। तेन उक्तं यत् एषः सम्झौता आगामीषु पञ्चदशवर्षेषु न्यूजीलैण्डतः भारतं प्रति २० अरब-अमेरिकीडॉलरमितस्य महत्त्वपूर्णनिवेशस्य मार्गम् अपि प्रशस्तं करिष्यति। एतेन भारतीयनिर्यातकेभ्यः व्यापकाः अवसराः उत्पत्स्यन्ते।

केन्द्रीयवाणिज्योद्योगमन्त्री व्यापारसम्झौतानुसारं न्यूजीलैण्डं प्रति निर्यातितुं सज्जीकृतस्य जेसीबी इण्डियासंस्थायाः लघुखनित्रस्य (एक्सकेवेटरस्य) प्रेषणकार्यस्य शुभारम्भम् अपि कृतवान्। तेन उक्तं यत् संस्था भारतात् स्वस्य कुलोत्पादनस्य पञ्चविंशतिप्रतिशतं विभिन्नदेशान् प्रति निर्यातयति। सः अवदत्, ‘‘अहं तेषां कृते एतत् प्रमाणं पञ्चाशत्प्रतिशतं यावत् वर्धयितुं लक्ष्यम् निर्धारयामि। न्यूजीलैण्डः अधुना तेषां कृते निर्यातस्य १४०तमं गन्तव्यस्थानम् अभवत्।’’

गोयलः अवदत् यत् अयं सम्झौता कृष्युत्पादकतासहकारम् अपि प्रोत्साहयति। अस्य अन्तर्गतं न्यूजीलैण्डस्य प्रौद्योगिकी भारतस्य व्यापकविस्तारस्य वर्धमानमागस्य च पूर्तौ सहायकाः भविष्यति। तेन उक्तं यत् दुग्धोत्पादाः, पलाण्डुः, चणकः, मटरः, मक्का, बादामः, कृत्रिममधु, शर्करा च इत्यादयः संवेदनशीलाः क्षेत्रविशेषाः अस्य व्यापारसहमतेः परिधेः बहिः स्थापिताः

सन्ति।

---------------

Hindusthan Samachar / Dheeraj Maithani