काठमांडूः, 19 अक्टूबरमासः (हि.स.)।

नेपालस्य राष्ट्रपतिः रामचन्द्रपौडेलः विजयादशम्याः अवसरे सोमवासरे काठमाण्डुघाट्याः विभिन्नेषु शक्तिपीठेषु दर्शनं पूजनार्चनां च कृत्वा टीकाप्रसादं गृहीतवान्।

अस्मिन्नवसरे राष्ट्रपतिः पौडेलः प्रथममहिला सवितापौडेलया सह घाट्याः प्रमुखेषु शक्तिपीठेषु अन्तर्भूतानि नक्सालभगवतीमन्दिरम्, गुह्येश्वरीमन्दिरम्, मैतीदेवीमन्दिरम्, कालिकास्थानम्, भद्रकालीमन्दिरम्, नरदेवीमन्दिरम्, रक्तकालीमन्दिरम्, इन्द्रायणीमन्दिरम्, शोभाभगवतीमन्दिरं च गत्वा पूजनार्चनां कृतवान् तथा टीकाप्रसादं च गृहीतवान्।

नवरात्रस्य महाष्टमी शक्तिस्वरूपायाः भगवत्याः दुर्गाभवानीदेव्याः विशेषाराधनायाः पर्व इति मन्यते। अस्मिन्नवसरे श्रद्धालवः देव्याः पूजनार्चनायै, पाठाय, दर्शनाय च मन्दिरेषु आगच्छन्ति। विजयादशम्याः पर्वणि काठमाण्डुनगरे सहितं सम्पूर्णे देशे स्थितेषु शक्तिपीठेषु पूजनार्चनां कुर्वतां श्रद्धालूनां महती सम्मर्दः भवति।

---------------

Hindusthan Samachar / Dheeraj Maithani