Enter your Email Address to subscribe to our newsletters
नव दिल्ली, 02 अक्टूबरमासः (हि.स.)।
भारतीयट्रैप-लक्ष्यसाधको नीरूधांडा एशियाक्रीडायाः समापनसमारोहे भारतस्य ध्वजवाहिका इति चयनिता अस्ति। समापनसमारोहः ४ अक्तूबर-दिने मिजुहो पार्क एथलेटिक स्टेडियम इत्यत्र आयोजितः भविष्यति।
नीरूधांडया अस्मिन् एशियाक्रीडासु उत्कृष्टं प्रदर्शनं कुर्वत्या द्वे सुवर्णपदके एकं च रजतपदकं प्राप्तम् अस्ति। सा अस्यां महाद्वीपीयप्रतियोगितायां भारतस्य प्रमुखासु पदकविजेत्रीषु अन्यतमा अभवत्। नीरूधांडया महिलानां ट्रैपस्य व्यक्तिगतस्पर्धायां सुवर्णपदकं विजित्य इतिहासः रचितः। सा एशियाक्रीडासु ट्रैप-निशानेबाज्याः व्यक्तिगतस्पर्धायां सुवर्णपदकं विजेतुं समर्था प्रथमभारतीयमहिला अभवत्। ततः सा आशिमाअहलावत् तथा मनीषाकीर् इत्याभ्यां सह महिलानां टीम-ट्रैपस्पर्धायां रजतपदकं विजितवती। अनन्तरं नीरूधांडा कायनान् चेनाई इत्यनेन सह मिलित्वा मिश्रित-टीम-ट्रैपस्पर्धायां सुवर्णपदकं स्वनाम्नि कृतवती।
भारतीयराष्ट्रीयराइफलसंघस्य अध्यक्षः कालिकेशः नारायणसिंहदेवः नीरूधांडायाः ध्वजवाहिकात्वेन चयनस्य विषये एकस्मिन् आधिकारिकवक्तव्ये उक्तवान्, एशियाक्रीडायाः समापनसमारोहे नीरूधांडया तिरङ्गध्वजस्य धारणं महत् सम्मानम् अस्ति। अनया एतेषु क्रीडासु अत्यन्तं गौरवेण भारतस्य प्रतिनिधित्वं कृतम् अस्ति तथा च एतत् तस्याः ऐतिहासिकप्रदर्शनस्य समुचितं सम्माननम् अस्ति। महिलानां ट्रैपस्पर्धायां भारताय प्रथमं व्यक्तिगतसुवर्णपदकं विजित्य द्वयोः अन्ययोः पदकयोः प्राप्तेः माध्यमेन नीरूधांडया देशाय उत्सवस्य अनेकानि अवसरानि प्रदत्तानि सन्ति। अधुना राष्ट्रध्वजेन सह भारतीयदलस्य नेतृत्वं कुर्वतीं तां द्रष्टुं निशानेबाज्यै सम्पूर्णभारताय च अत्यन्तं विशेषः क्षणः भविष्यति।
भारतीयराष्ट्रीयराइफलसंघस्य महासचिवः पवनकुमारसिंहः उक्तवान्, एशियाक्रीडायाः समापनसमारोहे राष्ट्रध्वजं धारणं कस्यचित् क्रीडकस्य प्राप्तेषु सर्वोच्चसम्मानेषु अन्यतमम् अस्ति। नीरूधांडया स्वप्रदर्शनेन, धैर्येण तथा जापानदेशे भारतस्य प्रतिनिधित्वं येन प्रकारेण कृतं तेन एषः सम्मानः प्राप्तः अस्ति। एतेषु क्रीडासु तस्याः यात्रा असाधारणाऽभवत् तथा च वयं प्रसन्नाः स्मः यत् तस्यै तिरङ्गध्वजं धृत्वा समापनसमारोहे भारतीयदलस्य नेतृत्वं कर्तुं अवसरः प्राप्स्यते।
नीरूधांडायाः ध्वजवाहिकात्वेन चयनं तस्याः शानदारस्य एशियाक्रीडाभियानस्य एकम् अन्यदुपलब्धिरूपेण अभवत्। तस्याः व्यक्तिगतसुवर्णपदकेन एशियाक्रीडायां ट्रैप-निशानेबाज्याः व्यक्तिगतस्पर्धायां भारतस्य दीर्घकालीनः प्रतीक्षाकालः समाप्तः। ततः टीमस्पर्धायां मिश्रितटीमस्पर्धायां च प्राप्ताभ्यां द्वाभ्यां पदकाभ्यां सह एशियाक्रीडासु तस्याः पदकानां संख्या त्रयः अभवत्।
---------------
Hindusthan Samachar / Dheeraj Maithani