पाटलिपुत्रम्, २० अक्टोबरमासः (हि.स.)। बिहारस्य राज्यपालः लेफ्टिनेन्टजनरल् (सेवानिवृत्तः) सैयद् अता हसनैनः, नागालैण्डस्य राज्यपालः नन्दकिशोर-यादवः, मुख्यमन्त्री सम्राटचौधरी च मङ्गलवासरे सायंकाले पाटलिपुत्रस्य गान्धीमैदाने आयोजिते श्रीरामलीला-महोत्सवे रावणदहनसमारोहे च-२०२६ भागं गृहीतवन्तः। विजयादशम्याः अवसरे आयोजितेन अस्मिन् समारोहे दुष्टतायाम् उपरि सदाचारस्य विजयस्य सन्देशः प्रदत्तः।

दशहरा-समितिट्रस्ट्-संस्थया आयोजिते कार्यक्रमे सर्वप्रथमम् अतिथीनां स्वागतं कृतम्। अस्मिन् अवसरे राज्यपालाय सैयद् अता हसनैनाय, नागालैण्डस्य राज्यपालाय नन्दकिशोरयादवाय, मुख्यमन्त्रिणे सम्राटचौधरिणे च स्मृतिचिह्नानि तथा अङ्गवस्त्राणि समर्पितानि। ततः मुख्यमन्त्रिणा भगवत: श्रीरामस्य श्रीलक्ष्मणस्य च स्वरूपयोः आरार्तिकी कृता। अनन्तरं क्रमेण दुष्टतायाः प्रतीकानां कुम्भकर्णस्य, मेघनादस्य, रावणस्य च प्रतिमानां दहनं कृतम्।

कार्यक्रमे उपमुख्यमन्त्री विजयकुमार-चौधरी, कृषिमन्त्री विजयकुमारसिन्हा, सहकारितामन्त्री रामकृपालयादवः, भाजपायाः प्रदेशाध्यक्षः विधायकः च सञ्जयसारावगी, विधायकः सञ्जयकुमारः, मुख्यमन्त्रिणः सचिवः सञ्जयकुमारसिंहः, पाटलिपुत्रमण्डलस्य आयुक्तः राजेश-कुमारः, पाटलिपुत्रक्षेत्रस्य आरक्षक-महानिरीक्षकः जितेन्द्रराणा, जनपदा-धिकारी कुन्दनकुमारः, वरिष्ठ-आरक्षकाधीक्षकः कार्तिकेयः के. शर्मा, दशहरा-समितिट्रस्ट्-संस्थायाः अध्यक्षः अरुणकुमारः, ट्रस्ट्-संस्थायाः सदस्याः अन्ये च गणमान्यजनाः उपस्थिताः आसन्।

Hindusthan Samachar / Divya Ranjan