- केन्द्रीयमन्त्रिणा चौहानेन विजया-दशम्याः अवसरे दृश्यश्रव्यखण्ड-माध्यमेन सन्देशः प्रदत्तः, देशवासिभ्यः शुभकामनाः च प्रेषिताः।

भोपालम्, २० अक्टोबरमासः (हि.स.)। विजयादशम्याः अवसरे केन्द्रीयकृषिमन्त्री शिवराजसिंहचौहानः बालिकाभिः सह दुराचारस्य घटनासु समाजे च वर्धमानस्य मादकद्रव्यव्यसनस्य विषये चिन्तां प्रकटितवान्। सः उक्तवान् यत् बालिकाभिः सह दुराचारं कुर्वतां प्रवृत्तिः रावणसदृशी अस्ति। दुष्टतायाः उपरि विजयस्य एतत् पर्व तदैव सार्थकं भविष्यति, यदा समाजः बालिकानां सम्मानस्य रक्षणस्य मादकद्रव्यव्यसनादीनां दुष्प्रवृत्तिनां च उन्मूलनस्य सङ्कल्पं करिष्यति।

केन्द्रीयमन्त्री शिवराजः मङ्गलवासरे विजयादशम्याः अवसरे सामाजिकमाध्यमे ‘एक्स’ इत्यत्र दृश्यश्रव्यखण्डमाध्यमेन सन्देशं प्रदत्तवान्। सः सर्वेभ्यः देशवासिभ्यः विजयादशम्याः शुभकामनाः अयच्छत्। सः अवदत् यत् सम्पूर्णे देशे उत्साहेन अधर्मस्य उपरि धर्मस्य, दुष्टतायाः उपरि च अच्छायाः विजयस्य पर्व आचर्यते। परम्परानुसारं स्थाने स्थाने रावणस्य प्रतिमाः दग्धाः भविष्यन्ति। किन्तु तस्य मनसि पुनः पुनः एषः प्रश्नः उदेति यत् प्रतिवर्षं रावणस्य दहनं क्रियमाणेऽपि समाजे तस्य दुष्प्रवृत्तयः किमर्थं विद्यमानाः सन्ति।

निरपराधबालिकाभिः सह दुराचारस्य घटनासु रावणः अद्यापि जीवति इति भासते

केन्द्रीयमन्त्री शिवराजः स्वसन्देशे अवदत् यत् यदा कस्याश्चित् निरपराधबालिकायाः सह दुराचारस्य घटना भवति, तदा मनः अत्यन्तं व्यथते। तस्मिन् समये रावणः अद्यापि कुत्रचित् जीवति इति भासते। एतादृश्यः घटनाः अस्मान् एतत् चिन्तयितुं बाधन्ते यत् केवलं रावणस्य प्रतिमा-दहनमात्रेण तस्य अन्तः कर्तुं न शक्यते। समाजे महिला: प्रति सम्मानस्य सुरक्षायाश्च भावः दृढः करणीयः।

सः प्रश्नम् उत्थापितवान् यत् प्रतिवर्षं विजयादशम्यां रावणस्य दहनं क्रियमाणेऽपि तेन सम्बद्धाः दुष्प्रवृत्तयः किमर्थं न समाप्ताः भवन्ति। सः अवदत् यत् बालिकाभिः सह जायमानानाम् अपराधानां निवारणमेव दुष्टतारूपिणः रावणस्य अन्तस्य दिशि वास्तविकं पदम् भविष्यति। केन्द्रीयमन्त्री जनान् मातुः, भगिन्याः, पुत्र्याश्च सम्मानं कर्तुम् आग्रहं कृतवान्। सः अवदत् यत् विजयादशम्याः सन्देशः केवलं रावणप्रतिमादहनपर्यन्तं सीमितः न भवेत्, अपितु अस्य सन्देशस्य अनुसरणं स्वाचरणे सामाजिकजीवने च अपि करणीयम्।

मादकद्रव्यव्यसनं व्यक्तेः, परिवारस्य, राष्ट्रस्य च कृते हानिकारकम्

शिवराजः मादकद्रव्यव्यसनस्य वर्धमानां प्रवृत्तिम् अपि गम्भीरचिन्तायाः विषयम् अवदत्। सः उक्तवान् यत् व्यसनं विनाशस्य मूलम् अस्ति। एतत् व्यक्तिं परिवारं च हानिं जनयति, राष्ट्रम् अपि प्रभावितं करोति। सः प्रश्नम् अकरोत् यत् व्यसनरूपिणः रावणस्य अन्तः किमर्थं न भवति।

सः अवदत् यत् दशहरापर्वणि रावणस्य दहनं कुर्वद्भिः जनैः स्वान्तःस्थितानां दुष्प्रवृत्तीनाम् अपि उन्मूलनस्य सङ्कल्पः करणीयः। व्यसनात् दूरे स्थातुं समाजं च तस्य दुष्प्रभावेभ्यः रक्षितुं सामूहिकप्रयत्नाः आवश्यकाः सन्ति। शिवराजः अवदत् यत् बालिकानां सम्मानस्य रक्षणं व्यसनस्य विरुद्धं सङ्घर्षश्च विना विजयादशम्याः सन्देशः पूर्णतया सार्थकः न भवितुम् अर्हति।

केन्द्रीयमन्त्री देशवासिभ्यः, भ्रातृभ्यः, भगिनीभ्यः, भगिनीपुत्रेभ्यः भगिनी-पुत्रीभ्यश्च विजयादशम्याः शुभकामनाः प्रदत्तवान्। सः जनान् सत्पथे चलितुं सदैव च अच्छायाः पक्षं ग्रहीतुम् आग्रहं कृतवान्। भगवन्तं श्रीरामम् शोभनस्य प्रतीकरूपेण वर्णयन् सः अवदत् यत् सर्वैः दुष्प्रवृत्तिभ्यः दूरं स्थातव्यम्।

केन्द्रीयमन्त्री कामनाम् अकरोत् यत् मातुः आशीर्वादः सर्वेषु निरन्तरं तिष्ठतु, प्रत्येकं जनः सुखी भवतु, जीवने च प्रगतिं करोतु। सः देशवासिनः तासां दुष्प्रवृत्तीनां समू-लोन्मूलनस्य सङ्कल्पं कर्तुम् आहूतवान्, याः व्यक्तिं परिवारं समाजं च हानिं जनयन्ति। सः अवदत्—आगच्छन्तु, अस्मिन् विजयादशमीपर्वणि रावणेन सह एतासां दुष्प्रवृत्तीनाम् अपि उन्मूलनस्य सङ्कल्पं कुर्मः। तदैव रावणस्य वास्तविकः अन्तः भविष्यति, विजयादशम्याः वास्तविकं प्रयोजनं च सफलं भविष्यति।

Hindusthan Samachar / Divya Ranjan