जम्मूः, २१ अक्टूबरमासः (हि.स.)। जम्मू कश्मीरराज्ये पञ्जाबीभाषायाः आधिकारिकमान्यतायै कृतस्य आन्दोलनस्य सफलतायाः अनन्तरं जम्मू कश्मीरस्वपक्षस्य छात्रशाखया पूर्वमन्त्री सरदार मंजीतसिंहः पवनीतकौरश्च सम्मानितौ।

अस्मिन्नवसरे छात्रशाखायाः सदस्यैः पञ्जाबीभाषायाः अधिकारार्थं कृतानां प्रयासानां प्रशंसा कृता तथा च उभयोः योगदानस्य स्वीकृतिस्वरूपं तौ सम्मानितौ।

कार्यक्रमे पञ्जाबीभाषायाः संरक्षणस्य, प्रचारप्रसारस्य तथा च नवसन्ततये स्वमातृभाषया सह संयोजयितुं महत्त्वस्य विषये बलं प्रदत्तम्।

-------------------

Hindusthan Samachar / Balwan Singh