देहरादूनम्, २१ अक्टोबरमासः (हि.स.)। श्रीकेदारनाथधामस्य कपाटानि आगामी ११ नवम्बरदिनाङ्के शीतकालाय पिधास्यन्ते। सम्प्रति यात्रा सुचारुरूपेण प्रचलति। विगतसप्ताहात् अनुकूलम् ऋतुं भवितुं यात्रा-व्यवस्थाः सामान्याः सन्ति। हेलिसेवाः अपि सुचारुरूपेण सञ्चाल्यन्ते।

रुद्रप्रयागस्य जनपदाधिकारी विशालमिश्रः अवदत् यत् अस्यां वर्षस्य यात्रायाम् अधुना यावत् १७,७५,०५९ श्रद्धालवः श्रीकेदारनाथ-धामम् आगत्य बाबा केदारस्य दर्शनं कृतवन्तः।

जिलाप्रशासनस्य प्रयासः अस्ति यत् यात्रायाः अवशिष्टेषु दिनेष्वपि देशस्य विभिन्नभागेभ्यः आगच्छद्भ्यः श्रद्धालुभ्यः निरन्तरं उत्तमसुविधाः प्रदीयेरन्, येन तेषां यात्रा सुगमा, सुरक्षिता, सुविधापूर्णा च भवेत्। सः अवदत् यत् धामक्षेत्रे लघुहिमपातेन सह तापमाने अपि निरन्तरं न्यूनता भवति। अतः श्रद्धालुभिः ऋतो: अनुकूला: आवश्यकसज्जताः कृत्वैव यात्रा करणीया।

सः सर्वान् तीर्थयात्रिणः आग्रहं कृतवान् यत् श्रीकेदारनाथधामयात्रायाः कृते आगमनात् पूर्वम् ऋतो: स्थितेः विषये सूचनाम् अवश्यं प्राप्नुयुः। ते पर्याप्तानि उष्णवस्त्राणि, आवश्यकसामग्रीः, स्वावश्यकतानुसारं औषधानि च सह आनयेयुः। सः अवदत् यत् जनपदप्रशासनेन श्रद्धालूनां सुविधायै सुरक्षायै च आवश्यकाः व्यवस्थाः सुनिश्चिताः कृताः सन्ति। श्रद्धालवः ऋतुस्थितिं ध्याने निधाय यात्रां कुर्युः तथा प्रशासननिर्गतान् निर्देशान् पालयेयुः।

Hindusthan Samachar / Divya Ranjan