सारणम्, २३ अक्टोबरमासः (हि.स.)। सारण-शिक्षकनिर्वाचनक्षेत्रस्य कृते प्रातः अष्टवादनात् कठोरसुरक्षाव्यवस्थायाः मध्ये मतदानम् आरब्धम् अस्ति। निर्वाचनं शान्तिपूर्णरीत्या सम्पन्नं कर्तुं विधि-व्यवस्थां च संरक्षितुं सर्वेषां मतदान-केन्द्राणि परितः द्विशतमीटर-परिमितायां परिधौ कठोराः सुरक्षाप्रबन्धाः कृताः सन्ति।

अस्य निर्वाचनक्षेत्रस्य अन्तर्गतं पञ्चसु जनपदेषु १०,७३१ मतदातारः पञ्जीकृताः सन्ति। तेषु ८,८७७ पुरुषमतदातारः १,८५४ महिलामतदातारश्च स्वमताधिकारस्य प्रयोगं कुर्वन्ति। सुचारुरूपेण मतदान-प्रक्रियां सम्पादयितुं ९८ मतदानकेन्द्राणि स्थापितानि सन्ति। एतेषु सारणे २०, सिवाने १९, गोपालगञ्जे १४, पूर्वचम्पारणे २७, पश्चिमचम्पारणे च १८ मतदानकेन्द्राणि सन्ति।

अस्मिन् निर्वाचने प्रतिस्पर्धमानानाम् अष्टादश अभ्यर्थिनां राजनैतिकभाग्यस्य निर्णयः अद्य मतपेटिकासु सुरक्षिततया निहितः भविष्यति। कस्यापि असुविधायाः साहाय्यस्य वा कृते जनपदप्रशासनेन नियन्त्रणकक्षस्य दूरभाषसङ्ख्या ०६१५२-२४२४४४ प्रसारिता अस्ति। मतदानसमाप्तेः अनन्तरं सर्वाः निर्वाचनसामग्र्यः सारणस्य छपरानगरे स्थिते राजकीयकन्याउच्च-माध्यमिक-विद्यालयस्य वज्रगृहे सुरक्षिततया स्थापितानि भविष्यन्ति।

Hindusthan Samachar / Divya Ranjan