अयोध्या, 28 अक्टूबरमासः (हि.स.)।

उत्तरप्रदेशस्य अयोध्याजनपदे आचार्यनरेन्द्रदेवकृषिप्रौद्योगिकविश्वविद्यालयस्य प्रसारनिदेशकः डाॅ. रामबटुकसिंहः उत्कृष्टवैज्ञानिकपुरस्कारेण सम्मानितः। अपरतः विश्वविद्यालयेन सञ्चालितायाः जौनपुरम् १ कृषिविज्ञानकेन्द्राय उत्कृष्टविज्ञानकेन्द्रपुरस्कारः प्रदत्तः। अस्य केन्द्रस्य उत्कृष्टकार्याणां कृते केन्द्राध्यक्षः डाॅ. विनोदसिंहः प्रशस्तिपत्रेण सम्मानितः।

उत्तरप्रदेशकृष्यनुसन्धानपरिषदः सप्तत्रिंशतितमस्य स्थापनादिवसस्य अवसरे लखनऊ नगरे एते पुरस्काराः प्रदत्ताः। कृषिविश्वविद्यालयस्य कुलपतिः डाॅ. ज्ञानेन्द्रप्रतापसिंहः वैज्ञानिकान् अस्य सम्मानस्य कृते वर्धापयन् तेषां उज्ज्वलभविष्यस्य कामनाम् अकरोत्।

डाॅ. रामबटुकसिंहः अवदत् यत् कुलपतेः नेतृत्वेन दिशानिर्देशेन च विश्वविद्यालयः विकासमार्गे अग्रसरः अस्ति। अस्मै कृषिविज्ञानकेन्द्राय कृषिशिक्षायाः, अनुसन्धानस्य, प्रसारगतिविधीनां च प्रभाविप्रकारेण कार्यान्वयनाय, नवीनकृषिप्रौद्योगिकीनां प्रचारप्रसाराय, कृषकाणां क्षमतावर्धनाय, कृष्युत्पादकतायाः कृषकाणाम् आयस्य च वृद्धये कृतकार्याणां कृते पुरस्कारः प्रदत्तः।

डाॅ. विनोदसिंहस्य कथनम् अस्ति यत् एषा उपलब्धिः जौनपुरम् १ कृषिविज्ञानकेन्द्रस्य सम्पूर्णदलस्य कठिनपरिश्रमस्य, समर्पणस्य, कृषकसेवायाः प्रति प्रतिबद्धतायाश्च प्रतीकम् अस्ति।

अयं सम्मानः कृषिमन्त्री सूर्यप्रतापशाही, प्रमुखसचिवः कृषिविभागस्य डाॅ. एम्. के. एस्. सुन्दरम् तथा उपकारस्य महानिदेशकः डाॅ. सञ्जयसिंहः इत्येतेषाम् उपस्थितौ प्रदत्तः।

---------

Hindusthan Samachar / Dheeraj Maithani