नवदिल्ली, २८ अक्टोबरमासः (हि.स.)। प्रधानमन्त्री नरेन्द्रमोदी उत्तरप्रदेशे, महाराष्ट्रे, बिहारराज्ये, कर्नाटकराज्ये च विधानपरिषदः २८ आसनानां निर्वाचने कांग्रेसदलेन एकमपि आसनं न विजितम् इति विषयमधिकृत्य बुधवासरे तस्मिन् दले व्यङ्ग्यं कृतवान्।

प्रधानमन्त्री सामाजिकमाध्यममञ्चे ‘एक्स’ इत्यत्र प्रकाशितेन सन्देशेन अवदत्, “चतुर्षु प्रमुखराज्येषु—उत्तरप्रदेशे, महाराष्ट्रे, बिहारराज्ये, कर्नाटकराज्ये च—विधान-परिषदः २८ आसनानां कृते निर्वाचनानि अभवन्। एतानि निर्वाचनानि मतपत्रैः सम्पन्नानि। अनुमानं कुरुत, कांग्रेसदलेन कति आसनानि विजितानि?”

प्रधानमन्त्रिणः एषा टिप्पणी तस्मिन् समये आगता, यदा विपक्षीदलानि इलेक्ट्रॉनिक-मतदानयन्त्राणां विश्वसनीयतायाः विषये प्रश्नान् उत्थापयन्ति। मतपत्रैः सम्पन्नानां निर्वाचनानाम् उल्लेखं कुर्वन् मोदी कांग्रेसदलस्य निर्वाचनप्रदर्शनं प्रति प्रश्नम् उत्थापितवान्।

Hindusthan Samachar / Divya Ranjan