— प्रधानमन्त्रीमहोदयस्य अध्यक्षतायां सम्पन्नानां केन्द्रीयमन्त्रिमण्डलस्य निर्णयान् प्रति मुख्यमन्त्रिणा योगी आदित्यनाथेन कृतः आभारप्रकटनम्

लखनऊ, २८ अक्टोबरमास: (हि.स.)। मुख्यमन्त्री योगी आदित्यनाथः बुधवासरे प्रधानमन्त्रिण: नरेन्द्रमोदीमहोदयस्य अध्यक्षतायां सम्पन्नान् केन्द्रीयमन्त्रि-मण्डलस्य निर्णयान् प्रशंसनीयान् उक्तवान्। दीपावल्याः पूर्वं कर्मचारिभ्यः प्राप्तस्य अस्य उपहारस्य कृते सः शुभकामनाः अपि दत्तवान्।

मुख्यमन्त्री योगी आदित्यनाथः स्वस्य ‘एक्स’ इति सामाजिकमाध्यममञ्चे एकं सन्देशं प्रकाशितवान्। तत्र सः लिखितवान् यत् प्रधानमन्त्रिण: नरेन्द्रमोदीमहोदयस्य अध्यक्षतायां बुधवासरे केन्द्रीयमन्त्रि-मण्डलेन केन्द्रसर्वकारस्य कर्मचारिभ्यः महार्घईभत्तायां तथा निवृत्तिवेतनभोगिभ्यः महार्घसहायतायां च त्रिप्रतिशतम् अतिरिक्तवृद्धये प्रदत्ता स्वीकृतिः अत्यन्तं प्रशंसनीया अस्ति।

४८.५४ लक्षं केन्द्रीयकर्मचारिणः, ६८.७१ लक्षं निवृत्तिवेतनभोगिनश्च लाभान्विताः भविष्यन्ति

मुख्यमन्त्री लिखितवान् यत् २०२६ तमस्य वर्षस्य जुलाईमासस्य प्रथमदिनाङ्कात् प्रभाविणी एषा वृद्धिः ४८.५४ लक्षं केन्द्रीयकर्मचारिणां ६८.७१ लक्षं निवृत्तिवेतनभोगिनां च आर्थिकहितानां रक्षणे तथा तेषां जीवने सौकर्यं सुनिश्चितं कर्तुं च सहायकसिद्धा भविष्यति। दीपावल्याः पूर्वं कर्मचारिभ्यः प्रदत्तस्य अस्य उपहारस्य कृते मुख्यमन्त्रिणा प्रधानमन्त्रिणे हार्दिकः आभारः प्रकटितः।

आत्मनिर्भरभारतस्य सङ्कल्पं नवेन बलेन सुदृढं करिष्यति स्वीकृतिः

मुख्यमन्त्री योगी आदित्यनाथः प्रधान-मन्त्रिण: नरेन्द्रमोदीमहोदयस्य अध्य-क्षतायां केन्द्रीयमन्त्रिमण्डलेन गृहीतम् अन्यं निर्णयमपि दूरदर्शिनम् उक्तवान्। सः लिखितवान् यत् १०,००० कोटिरूप्यकाणां व्ययेन २०३९-४० वित्तवर्षपर्यन्तं ‘कण्टेनरनिर्माणसंवर्धन-योजनायाः’ स्वीकृतिः आत्मनिर्भरभारतस्य सङ्कल्पं नवेन बलेन सुदृढं करिष्यति।

सः उक्तवान् यत् एषा योजना भारते विश्वस्तरीयस्य निर्माणपारिस्थितिकी-तन्त्रस्य विकासाय, आयातनिर्भरतायाः न्यूनीकरणाय, आपूर्तिशृङ्खलायाः सुदृढी-करणाय च महत्त्वपूर्णं पदम् अस्ति। अनेन भारतं वैश्विककण्टेनरनिर्माणस्य निर्या-तस्य च प्रमुखकेन्द्ररूपेण उदेति।

मुख्यमन्त्री योगी देशस्य औद्योगिक-विकासं, रोजगारसृजनं, आर्थिकसशक्ती-करणं च प्राथमिकतया स्वीकुर्वते अस्मै दूरदर्शिने निर्णयाय प्रधानमन्त्रीमहोदयस्य हार्दिकम् आभारं अभिनन्दनं च प्रकटितवान्।

Hindusthan Samachar / Divya Ranjan