पञ्चमदिनाङ्कस्य नवम्बरमासपर्यन्तं मञ्चनं भविष्यति, देशविदेशेषु च प्रत्यक्षप्रसारणं करिष्यते।

मीरजापुरम्, 28अक्टूबरमासः (हि.स.)।

उत्तरप्रदेशस्य मीरजापुरजनपदे विन्ध्याचलधाम्नः प्राचीनरामलीलायाः शुभारम्भः मङ्गलवासरस्य रात्रौ मोतीझीलमार्गे स्थिते भण्डारास्थले मुकुटपूजनेन सह अभवत्। श्रीविन्ध्यपण्डासमाजस्य तत्त्वावधाने आयोजितायां रामलीलायां वैदिकमन्त्राणाम् उच्चारणस्य मध्ये शस्त्रपूजनं कृतम्। समितेः संरक्षकः प्रकाशचन्द्रपाण्डेयः, अध्यक्षः सङ्गमलालत्रिपाठी तथा अन्यैः पदाधिकारिभिः पूजनार्चनं कृत्वा रामलीलायाः सफलायोजनस्य कामना कृता।

वैदिकब्राह्मणेन देवीप्रसादचौबे इत्यनेन मन्त्राणाम् उच्चारणेन सह पूजनं कारितम्। रामलीला भारतीयसंस्कृतेः परम्परायाश्च महत्त्वपूर्णः भागः अस्ति। अस्याः माध्यमेन भगवान् श्रीरामस्य आदर्शानां, मर्यादायाः, सत्यस्य सदाचारस्य च सन्देशः प्रदीयते। आयोजनस्य आरम्भेन क्षेत्रे उत्साहस्य वातावरणं वर्तते।

समितेः अध्यक्षः सङ्गमलालत्रिपाठी अवदत् यत् रामलीला नवम्बरमासस्य पञ्चमदिनाङ्कपर्यन्तं प्रचलिष्यति। निर्देशकः प्रशान्तद्विवेदी अवदत् यत् अस्मिन् वर्षे रामलीलायाः षट्चत्वारिंशत्तमं मञ्चनं भवति। अस्याः प्रत्यक्षप्रसारणं क्रियते, यत् पूर्वाञ्चलस्य जनैः सह देशविदेशेषु स्थिताः जनाः अपि स्वगृहेभ्यः पश्यन्ति।

मुकुटपूजनसमये मन्त्री आदर्शउपाध्यायः, उपाध्यक्षः रामेश्वरत्रिपाठी, कोषाध्यक्षः विक्रममिश्रः, व्यवस्थाप्रमुखः शिखरगिरिः, माध्यमप्रभारी सन्तोषकुमारः, पण्डासमाजस्य अध्यक्षः पङ्कजद्विवेदी, मन्त्री भानुपाठकः, पशुपतिनाथमिश्रः, दामोदरपाण्डेयः, धीरेन्द्रपाण्डेयः, अमनसिंहः, उत्सवपाण्डेयः तथा शिवबलिराजपूतः इत्यादयः समितेः पदाधिकारिणः सदस्याश्च उपस्थिताः आसन्।

Hindusthan Samachar / Dheeraj Maithani