अशोकनगरम्, २९ अक्टोबरमासः (हि.स.)। मध्यप्रदेशस्य अशोकनगरजनपदे सङ्कटकाले तत्परता, ज्ञानं मानवीयसंवेदनशीलतां च प्रदर्शयन् दूरभाष-११२-सेवायाः पञ्च आरक्षकाः एकस्य व्यक्तेः प्राणरक्षणे महत्त्वपूर्णां भूमिकाम् निर्वहन्तः आसन्। कोतवाली-आरक्षकस्थानकस्य क्षेत्रान्तर्गतायां दुर्गा-कालोनी इत्यत्र कश्चन व्यक्तिः पाशेन आत्महत्यां कर्तुं प्रयतते इति सूचना प्राप्तमात्रेण आरक्षकाः तत्कालं घटनास्थलं प्राप्तवन्तः।

ते समये एव तस्य प्राणान् रक्षितुं महत्त्वपूर्णां भूमिकाम् अवहन्। आरक्षकाणाम् एतस्य प्रशंसनीयस्य कार्यस्य अवलोकनेन आरक्षकाधीक्षकः राजीवकुमारमिश्रः पञ्चभिः आरक्षकैः सम्मानम् अकरोत्।

पञ्च आरक्षकाणां कार्यं सम्मानितम्

आरक्षकाधीक्षकस्य कार्यालये स्थापिते ‘आरक्षिगौरवपटले’ गुरुवासरे नवम्बरमासाय श्रेष्ठारक्ष्यधिकारी-कर्मचारिरूपेण चयनितानाम् एतेषां पञ्च कर्मिणां छायाचित्राणि प्रदर्शितानि सन्ति। सम्मानितेषु प्रधानारक्षकः इमरतसिंहरघुवंशी, प्रधानारक्षकः भागीरथलोधा, आरक्षकः भरतसिंहलोधी, आरक्षकः महेशबघेलः तथा दूरभाष-११२-सेवायाः वाहनचालकः धर्मेन्द्रशर्मा च सम्मिलिताः सन्ति।

कर्तव्यपालनेन सह मानवीयसंवेदनशीलतायाः उदाहरणम्

आरक्षकाधीक्षकः राजीवकुमारमिश्रः आरक्षकाणां कार्यस्य प्रशंसां कुर्वन् अवदत् यत् सङ्कटकाले नागरिकाणां साहाय्यं करणम् आरक्षकाणां महत्त्वपूर्णं दायित्वम् अस्ति। तत्परतया, संवेदनशीलतया कर्तव्यनिष्ठया च कृतम् एतादृशं कार्यम् आरक्षकाणां जनसेवाभावनां प्रदर्शयति।

जनपदे उत्कृष्टं कार्यं कुर्वताम् आरक्षकाणां प्रोत्साहनार्थं तेषां नामानि छायाचित्राणि च गौरवपटले प्रदर्श्यन्ते, येन अन्ये अधिकारिणः कर्मचारीणश्च अपि श्रेष्ठं कार्यं कर्तुं प्रेरिताः भवेयुः। अशोकनगर-आरक्षकबलस्य एषः प्रयत्नः आरक्षकबले सेवाभावनायाः, समर्पणस्य उत्तरदायित्वस्य च भावनां प्रोत्साहयितुं महत्त्वपूर्णं पदम् अस्ति।

Hindusthan Samachar / Divya Ranjan