Enter your Email Address to subscribe to our newsletters
मुरादाबादः, २९ अक्टोबरमासः (हि.स.)। भारतीयजनतापक्षस्य पृष्ठवर्गमोर्चा-मुरादाबादस्य तत्त्वावधाने भारतरत्न-लौहपुरुषस्य सरदारवल्लभभाईपटेलस्य जयन्त्युपलक्ष्ये ‘सर्वोच्चः सरदारः’ इति विषयाधारितः कार्यक्रमः गुरुवासरे मुरादाबादस्य भाजपाजनपदकार्यालये आयोजितः।
कार्यक्रमस्य मुख्यातिथिः विधानपरिषदः सदस्यः गोपाल अञ्जानः अवदत् यत् भाजपाकार्यकर्तारः सरदारपटेलस्य आदर्शान् आत्मसात्कृत्वा स्वजीवने आचरन्तु।
भाजपाजनपदाध्यक्षः आकाशपालः अवदत् यत् ‘सर्वोच्चः सरदारः’ इति विषयाधारेण २०२६ तमस्य वर्षस्य अक्टोबरमासस्य २८ दिनाङ्कात् ३१ दिनाङ्कपर्यन्तं विविधाः कार्यक्रमाः आयोज्यन्ते।
विशिष्टवक्तृत्वेन पूर्वविधानपरिषद्सदस्यः पप्पूचौधरी अपि कार्यक्रमे सम्मिलितः अभवत्। स्वसम्बोधने सः सरदारवल्लभभाईपटेलस्य व्यक्तित्वस्य, कृतित्वस्य राष्ट्रनिर्माणे च तस्य ऐतिहासिकभूमिकायाः विषये प्रकाशं प्रसारयन् कार्यकर्तॄन् तस्य आदर्शान् स्वजीवने अनुसर्तुम् आह्वानम् अकरोत्।
कार्यक्रमे भाजपापृष्ठवर्गमोर्चायाः जनपदाध्यक्षः जीवनसिंहपालः, पूर्वजनपदमन्त्री चौधरीहुकमसिंहः, जनपदमहामन्त्री आदित्यशंखधारः, जनपदमीडियाप्रभारी सञ्जयढाका, जनपदसूचनाप्रौद्योगिकीसंयोजकः सत्येन्द्रगडकरी, जनपदपञ्चायतसदस्यः लवलीयादवः, अन्यपृष्ठवर्गस्य जनपदमहामन्त्री गोपालसिंहयादवः, पूर्वमण्डलाध्यक्षः सूरजगुर्जरः, अभिनवचौधरी, सोमवीरसिंहः, प्रदीपकुमारमीणा, डॉ. राजीवसैनी, रविदासकश्यपः, जेपीसिंहः, मङ्गलसैनी, हरपालसैनी, महावीरचौधरी, श्योरामसिंहसैनी इत्यादयः अन्ये भाजपापदाधिकारिणः कार्यकर्तारश्च उपस्थिताः आसन्।
Hindusthan Samachar / Divya Ranjan