लखनऊ, 03 अक्टूबरमासः (हि.स.)।

उत्तरप्रदेशस्य मसालार्थव्यवस्थायै नवीनां दिशां प्रदातुं शनिवारं उद्यानभवने, लखनऊनगरे षष्ठस्य उत्तरप्रदेशमसालासम्मेलनस्य एक्स्पो २०२६ च आयोजनं कृतम्। सम्मेलने उद्यानविभागस्य वरिष्ठाधिकारिभिः, नीतिनिर्मातृभिः, वैज्ञानिकैः, मसालव्यापारिभिः, निर्यातकैः, कृषकैः, कृषकउत्पादकसङ्गठनैः (एफपीओ), उद्योगविशेषज्ञैः च सहभागः कृतः। कार्यक्रमस्य आयोजनं सेन्टर फॉर एग्रीकल्चर एण्ड रूरल डेवलपमेण्ट इत्यनेन कृतम्, यदा तु ३ईए ग्लोबल् नॉलेज पार्टनररूपेण सहभागी आसीत्।

उद्यानकृषिविपणनकृषिविदेशव्यापारकृषिनिर्यातराज्यमन्त्री (स्वतन्त्रप्रभारः) दिनेशप्रतापसिंहः सम्मेलनस्य उद्घाटनसत्रं सम्बोधयन् उक्तवान् यत् उत्तरप्रदेशः औद्यानिकोत्पादनस्य क्षेत्रे देशे प्रथमस्थाने वर्तते, यत् प्रदेशस्य कृते गौरवस्य विषयः अस्ति। सः उक्तवान् यत् मसालाः भारतीयव्यञ्जनेषु स्वादवर्धनस्य साथमेव स्वास्थ्यदृष्ट्यापि महत्त्वपूर्णाः सन्ति। सः मसालाक्षेत्रे गुणवत्तायाः, शुद्धतायाः, मूल्यसंवर्धनस्य निर्यातक्षमतायाश्च वर्धने विशेषं बलं दत्तवान्। गुणवत्तापूर्णैः विश्वसनीयैश्च उत्पादैः एव अन्तर्राष्ट्रीयविपण्ये प्रदेशस्य मसालानां सुदृढा परिचितिः निर्मातुं शक्यते।

सः कृषकेभ्यः कृषिविविधीकरणम् अङ्गीकर्तुं आह्वानं कुर्वन् उक्तवान् यत् मसालानां कृषिः अल्पक्षेत्रफलेऽपि अधिकं मूल्यं प्रदातुं शक्नोति। सः अवदत् यत् मसालाक्षेत्रे प्रसंस्करणस्य मूल्यसंवर्धनस्य च प्रोत्साहनस्य उद्देश्येन प्रदेशसर्वकारेण प्रसंस्करणैककानां स्थापनायै उद्यमिभ्यः अनुदानं प्रदीयते।

उद्यानमन्त्री मसालोद्योगेन सम्बद्धेभ्यः उद्यमिभ्यः कृषकैः सह प्रत्यक्षरूपेण सम्बद्धैः भूत्वा उत्पादनं कारयितुं आग्रहं कृतवान्, येन प्रदेशे मसालोद्योगाय कच्चामालस्य आत्मनिर्भरता सुनिश्चितं कर्तुं शक्येत। सः अवदत् यत् लखनऊनगरे नवनिर्मिते आधुनिके एग्रीमॉले प्रमाणितानां शुद्धानां च उत्पादानाम् उपलब्धतायै जैविकपदार्थानां मसालानां च विपणनाय विशेषं स्थानं सुरक्षितं करिष्यते।

सम्मेलनस्य प्राविधिकसत्रेषु अडानी स्पाइसेस्, राकेश मसाला, एमडीएच, गोल्डी स्पाइसेस्, सीएसआईआर सीआईएमएपी तथा बीबीएयू इत्यादीनां विविधसंस्थानानां प्रतिनिधयः भागं गृहीतवन्तः।

उद्घाटनसत्रे उद्याननिदेशकः भानुप्रकाशरामः, संयुक्तनिदेशकः डॉ. सर्वेशकुमारः, संयुक्तनिदेशकः डॉ. राजीवकुमारवर्मा तथा स्पाइसेस् बोर्डस्य प्रतिनिधयः उपस्थिताः आसन्।

Hindusthan Samachar / Dheeraj Maithani