Enter your Email Address to subscribe to our newsletters
नागोया, 03 अक्टूबरमासः (हि.स.)।भारतीयपुरुषक्रिकेटदलेन एशियाईक्रीडासु स्वर्णपदकं विजित्य इतिहासः रचितः। श्रेयस अय्यरस्य नेतृत्वे भारतीयदलेन पाकिस्तानदलं १९ धावनाङ्कैः पराजित्य नागोयायां स्वर्णपदकं स्वकीयं कृतम्।
एकसप्ताहपूर्वं भारतीयमहिलाक्रिकेटदलेन अपि स्वर्णपदकं विजितम् आसीत्। एवं एशियाईक्रीडासु क्रिकेटक्रीडायां भारतस्य पुरुषमहिलयोः उभयोरपि वर्गयोः स्वर्णपदकं प्राप्तम्।
एशियाईक्रीडासु भारतीयपुरुषक्रिकेटदलस्य एतत् निरन्तरं द्वितीयं स्वर्णपदकम् अस्ति। भारतीयदलेन अस्मिन् वर्षे ट्वेन्टी२० अन्तर्राष्ट्रीयक्रिकेटे स्वकीयः उत्कृष्टप्रदर्शनक्रमः निरन्तरं संरक्षितः अस्ति। अस्मात् पूर्वं भारतदलेन अस्मिन्नेव वर्षे निरन्तरं द्वितीयवारं आईसीसीपुरुषट्वेन्टी२०विश्वकपस्य उपाधिरपि विजिता आसीत्।
भारतीयक्रिकेटदलाय स्वर्णपदकप्रदाने समारोहे आईसीसी अध्यक्षः जयशाहः, भारतीयक्रिकेटनियन्त्रणमण्डलस्य सचिवः देवजीतसैकिया, भारतीयओलम्पिकसङ्घस्य अध्यक्षा पीटी उषा इत्यादयः प्रमुखाः अधिकारीणः उपस्थिताः आसन्। जयशाहेन श्रेयस अय्यरस्य नेतृत्वे भारतीयदलं स्वर्णपदकेन सम्मानितम्।
भारतीयदलेन स्वर्णपदकविजये प्राप्ते आईसीसी अध्यक्षः जयशाहः अवदत्, “नागोया जापानदेशश्च क्रिकेटस्य इतिहासे गौरवस्य नूतनम् अध्यायं लिखितवन्तौ। अस्य क्षणस्य प्राप्त्यर्थं कृतस्य उत्कृष्टस्य अभियानस्य कृते भारतीयदलं शुभकामनाः। अस्मिन् स्पर्धायां भागं गृहीतवद्भ्यः सर्वेभ्यः देशेभ्यः हृदयतः धन्यवादाः। एशियाईओलम्पिकपरिषदः आयोजकानां चापि धन्यवादाः, येषां चिन्तनं दूरदृष्टिश्च अस्मान् अत्र यावत् आनयत्। सहस्रशः प्रशंसकेभ्यः अपि कृतज्ञतां ज्ञापयामः, येषां उपस्थितिः अस्मान् स्मारयति यत् विश्वस्य कुत्रापि क्रिकेट किमर्थम् एतावत् विशेषम् अस्ति।”
भारतस्य कृते एशियाईक्रीडासु पुरुषक्रिकेटस्य एतत् निरन्तरं द्वितीयं स्वर्णपदकम् अस्ति। महिलादलस्य स्वर्णपदकविजयानन्तरं पुरुषदलेन प्राप्तया अस्याः उपलब्ध्या नागोयायां भारतस्य क्रिकेटाभियानं द्विस्वर्णविजयेन स्मरणीयं जातम्।
---------------
Hindusthan Samachar / Dheeraj Maithani