Enter your Email Address to subscribe to our newsletters
मुम्बई, ३१ अक्टोबरमासः (हि.स.)। बॉलीवुड्-जगतः दुःखदः समाचारः प्राप्तः। प्रसिद्धः चलचित्रनिर्देशकः सञ्जयगुप्तः दिवङ्गतः। चलचित्रनिर्माता अशोकपण्डितः सामाजिकमाध्यमस्य फेसबुक्-मञ्चे तस्य निधनस्य सूचनां प्रदत्तवान्। तेन उक्तं यत् सञ्जयगुप्तस्य गृहे शिरसि आघातः अभवत्, तदनन्तरं तस्य निधनम् अभवत्। अस्मिन् समाचारप्राप्ते चलचित्रजगति शोकस्य वातावरणं व्याप्तम्। अशोक-पण्डितः तं स्वस्य पुरातनमित्रं श्रेष्ठं च निर्देशकं वर्णयन् तस्य निधनं प्रति दुःखं प्रकटितवान्।
अशोकपण्डितः सञ्जयगुप्तेन सह स्वस्य पुरातनसम्बन्धान् स्मरन् अवदत् यत् चलचित्रोद्योगेन एकः प्रतिभाशाली निर्देशकः अपगतः। सञ्जयगुप्तः विशेषतः स्वस्य साहसिकदृश्यप्रधानाभिः अपराधा-धारिताभिश्च चलचित्राभिः प्रसिद्धः आसीत्। १९९४ तमे वर्षे ‘आतिश : फील द फायर’ इति चलचित्रेण सः निर्देशनक्षेत्रे पदार्पणम् अकरोत्। ततः ‘काँटे’, ‘मुसाफिर’ तथा ‘शूटआउट एट वडाला’ इत्यादीनां चलचित्राणां माध्यमेन दर्शकाणां मध्ये स्वकीयां विशिष्टं परिचयं निर्मितवान्।
सञ्जयगुप्तः हृतिकरोशनः अभिनीतं ‘काबिल’ इति चलचित्रं तथा जॉनअब्राहमस्य ‘मुम्बई सागा’ इति चलचित्रम् अपि निर्देशितवान्। २००२ तमे वर्षे प्रदर्शिते ‘काँटे’ इति चलचित्रे अमिताभबच्चनः, सञ्जयदत्तः तथा सुनीलशेट्टी इत्यादयः कलाकाराः दृष्टाः। ‘शूटआउट एट वडाला’ इति चलचित्रम् अपि दर्शकाणां मध्ये पर्याप्तां प्रसिद्धिम् अलभत। स्वकीयेन विशिष्टेन निर्देशनशैल्या तथा साहसिकदृश्यप्रधानैः चलचित्रैः प्रसिद्धस्य सञ्जयगुप्तस्य निधनं हिन्दीचलचित्रजगतः कृते महती क्षतिः अस्ति।
Hindusthan Samachar / Divya Ranjan